san carlo 2 bassa bresciana.qxd - Brixia Sacra

BASSA ORIENTALE
Ex privilegiis praedictae ecclesiae, et decreti olim anno 1516 facti, atque
etiam ex natura ecclesiae [f. 219r] collegiatae, quae insignis est, et insignia
ac privilegia insigniarum ecclesiarum collegiatarum habet, et ex sententiis
latis satis liquet munus canonicorum, capitulive esse horas canonicas in
choro recitare, missas conventuales celebrare ac munia omnia collegiatarum
ecclesiarum praestare. Itaque in posterum in hac ecclesia archipresbiterali
ab archipresbitero, et canonicis omnes horae canonicae recitentur,
cananturque distinctis temporibus ad praescriptum tabellae pro ratione
temporis, tum vero etiam quotidie missa conventualis decantentur servatis
regulis conciliorum huius provinciae Mediolanensis. Verum quia usu evenire
posset, ut negligerentur, cum nullae sint distributiones, auctoritate
sacri concilii Tridentini, tertia pars fructuum et quorumcunque proventuum,
obventionum, tam praebendae archipresbiteralis quam canonicatuum
omnium, ex nunc separata sit et in distributiones quotidianas conversa
censeatur, quas consequantur nisi qui praesentes in choro munera sua
impleverint ad praescriptum concilii Tridentini et provincialis.
Quoniam canonici usque ad concilii Tridentini tempus officium Beatae
Mariae in choro recitare consueverunt, at postea hoc institutum intermiserunt,
nunc illud resumant atque in eo perseverent, singulas horas officii
Beatae Mariae cum singulis horis officii maioris ad rubricarum praescriptum
coniungant. In missis conventualibus dominicis et aliis diebus, qui ex
praescripta consuetudine vel voto festi sunt, et quibus officium duplex fit,
diaconi et subdiaconi et duo canonici sacris vestibus induti deserviant in
missa conventuali, diebus vero ferialibus toleretur si sacras vestes non
induant ob exiguum numerum canonicorum. Archipresbiter iis item diebus,
quibus episcopi in pontificalibus celebrare solent ex praescripto concilii
provincialis quarti, missam solemnem cantet cui celebranti canonici
assistant, [f. 219v] ministrentve poena archipresbitero arbitraria.
Constituatur ex canonicis sacerdotibus hebdomadarius, qui missam et
vesperas canat, cui octavo die succedat alius eiusdem ordinis, idque semper
in orbem fiat. Munus vero diaconatus et subdiaconatus ii praestabunt, qui
tunc in dictis ordinibus constituti reperientur, si vero omnes praesbiteratus
ordine initiati fuerint canonici duo inferiores celebranti canonico assistent
et inserviant. Qui duo ultimi canonici tunc non teneantur esse hebdomadarii
in canendo missam conventualem, etiam diebus ferialibus, sed diaconatus
et subdiaconatus muneribus tantum in missa conventuali fungantur,
337