san carlo 2 bassa bresciana.qxd - Brixia Sacra

BASSA ORIENTALE
reparationem pro tempore eius ecclesiae, tum etiam ad celebrationem missae.
Celebretur in dicta ecclesia quotidie, et si expedire videbitur pro populi
commodo celebrari in ecclesia parochiali, accedente consensu patronorum,
ordinarius facultatem scripto concedat. Presbiter Antonius Cerrutus
infra decem dies doceat legitime de titulo sui beneficii, cui ex consuetudine
cura animarum annexa est.
In oratorio Sancti Bartholomei
Ostia oratorii Sancti Bartholomei sera et clave muniantur, teneanturque
clausa. Pavimentum extruatur. Parietes a parte anteriori dealbentur. Reverendissimus
ordinarius procedat contra praesentem titularem ad restitutionem
omnium fructuum perceptorum quia non recitavit officium, neque
habitum detulit, qui fructus impendantur in restauratione ecclesiae.
In oratorio Sanctae Mariae de Raveriis
Oratorium Sanctae Mariae de Raveriis reparetur, eminentiusque tollatur.
Tectum laqueato opere construatur. Pavimentum lateribus aequetur. Parietes
interius dealbentur et foris incrustentur. [f. 196v] Altare ad formam redigatur,
et picturae veteres et corrosae renoventur. Ostiis adhibeantur valvae,
sera et clave munitae, omniaque praemissa parentur ac fiant impensis titularis.
Onus etiam eiusdem titularis sit tenere clericum, qui resideat in aedibus
eiusdem oratorii et inserviat missae bis saltem in hebdomada celebrandae et
quoties occasio deferendi Sanctissimum Sacramentum ad infirmos acciderit,
impensis eiusdem titularis et hominum ibi habitantium. Paramenta et reliqua
suppellex oratorii conserventur a clerico, qui in aedibus eiusdem oratorii
habitabit. Pro exequutione sequestri facti omnium fructuum, ut reparetur
dicta ecclesia et provideatur ut supra, fiant relaxa opportuna.
281