san carlo 2 bassa bresciana.qxd - Brixia Sacra

BRIXIA SACRA
Animae sunt 4000, quae ex eis sumunt sanctissimam Eucharistiam sunt
3000 et illorum maxima pars habitat extra oppidum, quod moeniis cinctum
est ac praesidio militum custoditur et ob locorum distantiam et difficultatem
itineris et fluminum, quae tempore hyemali inundant, parochi sine
magno incommodo ad sacramenta percipienda et divina audienda accedere
non possunt ad ecclesiam parochialem in hoc loco Asulae. Habitant etiam
Hebraei nonnulli. Dominus Lodovicus Bocalis processatus de verbis
suspectis haeresis cuius causa 16 ad reverendum episcopum et ad reverendum
patrem inquisitorem brixiensem relata 17 fuit. Domina Candida item
de Asula delata fuit de sortilegiis et incantationibus, cuius causa ad predictos
episcopum et inquisitorem comissa fuit. Conveniunt ad Doctrinam
christianam in ecclesia collegiata, foeminae vero in ecclesia Disciplinatorum,
sed frigidae ubique exercetur.
Confraternitas Sanctissimi Corporis Christi antiquitus in hac ecclesia
archipresbiterali cepta, quae aggregata est archiconfraternitati Minervae,
super qua aggregatione obtinuit bullas cum indulgentiis. Regitur per sexdecim
officiales, videlicet abbatem, duos sindicos, conservatorem, duos
massarios et duodecim consiliarios qui singulo anno mutantur. Habent
regulas summarie praescriptas tamen in bulla. Habet redditum annuum
librarum 95, super quibus redditibus nullum est onus. Ex devotione et
institutione in tertia dominica cuiuslibet mensis canitur missa ad altare
Sanctissimi Sacramenti et subsequenter [f. 238v] in feria secunda fit officium
pro mortuis. De omnibus redditibus et expensis ratio describitur in
libro exhibito, recto ordine. Suputationes fiunt saltem bis in anno sine
interventu archipresbiteri. Fuit visitata de anno 1566 ab ordinario Bollano.
Ad praedictam scholam est legatum sive fidecommissum relictum a quondam
Bartholomeo Cremonensi asulensi, qui testator, post alia legata, reliquit
dictae confraternitati residuum eius bonorum pro tot puellis nuptui
tradendis sine aliquo lucro ipsi scholae proveniente; ipsa bona, scilicet plodia
26 terrae, possidentur a schola. Repertum est officiales alienasse et
commutasse quaedam bona stabilia scholae sine facultate superiorum
ecclesiasticorum.
Schola Conceptionis
Schola Societatis Conceptionis Beatae Virginis Mariae est antiqua, de eius
erectione non constat. Regitur per sexdecim officiales, videlicet duos sin-
324