san carlo 2 bassa bresciana.qxd - Brixia Sacra

BASSA ORIENTALE
Acquanegra [sul Chiese], San Tommaso
[a. Acta visitationis, ff. 241v-243v;
Brescia, XXVIII, ff. 56r-59r; XL, ff. 50r-53r]
[b. Decreta particularia, ff. 240r-241v;
Brescia, XXVII, ff. 120r, 128r-130r, 141r-v; XXIX, ff. 67r, 81r]
[a. CHIESA PARROCCHIALE DI SAN TOMMASO DI ACQUANEGRA]
[f. 241v] Die sexto aprilis praedicti mensis et anni
Visitavit ecclesiam parochialem, abbatiam commendatam nuncupatam
Sancti Thomae loci Aquaenigrae, quae cum esset abbatia auctoritate apostolica
vicario generali Mantuae delegata in commendam simplicem ad
favorem illustrissimi cardinalis de Gambara redacta fuit, cum erectione
perpetua vicariae et asignatione quorumdam bonorum oneribus adiunctis
praedicto vicario perpetuo ut infra. Et deinde visitavit infrascriptas ecclesias,
cappellas, oratoria, scholas et pia loca intra eius fines existentes. Est
consecrata, satis ampla et decenti opere constructa. In ea Sanctissimum
Sacramentum assidue asservatur cum lampade perlucenti impensis vicarii.
Baptisterium decens adest, sed incongrue locatum.
Altaria tria adsunt videlicet altare maius, altare [f. 242r] Sanctissimi Sacramenti
cum schola sub eodem titulo, altare Beatae Mariae Virginis in quo est
cappellania dotata annuo redditu duodecim scutorum vel circa a quondam
Andrea de Nigrisolis, qui redditus percipiuntur ex plodiis sedecim terrae
cappellaniae relictis cum onere celebrandi ter in hebdomada et omnibus diebus
dominicis. Cappellanus titularis est praesbiter Valerius de Tomasellis
absens qui satisfacit per presbiterum Georgium Merlinus. Alius titulus in
praedicto altari est etiam cappellania constituta a quondam presbitero Simone
de Begnis. Redditus annui sunt ut dicitur librarum 54 brixiensium cum
onere celebrandi diebus dominicis et bis in haebdomada. Titularis est presbiter
Darius Rognia qui est etiam haeres predicti Simonis. Cappellanus mercenarius
dicti legati est suprascriptus Georgius Merlinus loci Aquaenigrae,
annorum 27, sacerdos, sine beneficio, qui docuit legitime de eius ordinibus,
scientia tolerabilis, laycorum consuetudinibus admodum adictus et est delatus
super nonnullis expressibus. Habitat in domibus propriis. In eo est etiam
355