san carlo 2 bassa bresciana.qxd - Brixia Sacra

BASSA ORIENTALE
instructionum comparentur. Baptisterio fiat ciborium, et extra ultimum
gradum sepiatur.
Altare maius quod habet armarium a parte posteriori solidetur. Altare
Beatae Mariae Virginis, quod extra capellam maiorem orientem versus vergit,
tollatur et extruatur ibi prope, sed inhaereat parieti septentrionali
impensis scholae Disciplinatorum. Altare Corporis Christi tollatur, et e
regione alterius Beatae Mariae extruatur ibi prope, [f. 190v] sed sicut de
praesenti inhaeret parieti orientem versus, in nova extructione haereat
parieti meridionali, et hoc impensis scholae Corporis Christi, onus vero
celebrandi, quod a praedictis scholaribus praestatur, ex nunc transferimus
ad altare maius ibique ei satisfiat.
Ecclesiae quamprimum procuretur consecratio. Fiat pavimentum.
Campanile item extruatur. Confessionalia duo conficiantur ad formam.
Sacristia aedificetur a parte septentrionali, cum suo lavatorio et oratorio.
Procedatur contra presbiterum Baptistam de Orlandinis rectorem absentem,
et ad residentiam compellatur, nisi probaverit de legitima renunciatione,
quo casu provideatur de parocho titulari. Teneatur clericus, qui idoneus
sit et semper incedat in habitu et tonsura, sumptibus populi ob ecclesiae
fructuum tenuitatem.
Pro confraternitate Disciplinatorum Sulphorini
Singulis annis officiales deligantur, videlicet prior, cancellarius, thesaurarius,
sacrista et duo visitatores, qui confirmentur a reverendissimo ordinario.
Visitatores una cum curato visitent et recognoscant illos omnes, qui
indigent eleemosinarum, et indigentiam referant aliis officialibus, et curatus
schedulam scribat, quae thesaurario mittatur, qui illius vi eleemosinam
praescriptam tradat indigenti.
Ne in posterum redditus dictae confraternitatis distribuantur in die
veneris sancti singulis de populo, uti solebant, sed tantum vere indigentibus
tempore necessitatis tantum. Ne deinceps commessationes inter ipsos
scholares in die Coenae Domini fiant, nec alio tempore, [f. 191r] aut quavis
occasione. Singulis annis rationem administrationis reverendissimo
ordinario, vel vicario foraneo vel alii ab episcopo deputando reddant. Servent
regulas ad usum totius provinciae Mediolanensis editas, et illas servent.
Si infra annum praedicti scholares oratorium sibi minime construxerint,
illis concedimus ecclesiam Sancti Petri, in cuius reparatione et ornatu
233