san carlo 2 bassa bresciana.qxd - Brixia Sacra

BASSA ORIENTALE
Sanctae Agathae, eorumque loco fiant quinque capellae laterales ad formam
instructionum, ultra capellam sancti baptisterii, videlicet duae septentrionales,
quae extra parietes laterales promineant saltem cubitis quinque
vel, si placuerit, tot quot eorum murus post altare sit per rectam lineam
muri brachiorum crucis, et omnes hae sibi invicem respondeant in latitudine,
altitudine et structura, habeantque duas fenestras pro singula in cornibus
altaris cum clathris ferreis, et etiam clathra ferrea a parte anteriori, et
suis etiam necessariis paramentis ornetur, repareturve ut supra impensis
communitatis, vel societatum aut patronorum ad quos respective spectant.
Interim vero omnibus illorum oneribus satisfiat in altaribus tribus, videlicet
maiori et duobus, quae sunt in capite brachiorum crucis, et in his capellis,
quae in dies construentur ut supra.
Communitas, quae prolixe pollicita est in visitatione et in consilio,
publica auctoritate constituit et decrevit sexcentos ducatos, centum videlicet
singulis annis, in novis capellis ut supra construendis expendere, incipiat
a constructione capellae baptisterii, tum deinde prosequatur capellas
construere ex utroque latere ecclesiae pro summa praedicta centum ducatorum
singulis annis.
Magnificus dominus *** iurisconsultus de Daynis cum fratre, et alii si
qui sunt, qui habent unam vocem in iurepatronatus capellae altaris Sancti
Rochi, nec non et domina *** eiusdem familiae, quae filiorum nomine
habet aliam vocem, rationem ineant et conveniant inter se intra mensem de
impensa facienda pro constructione et ornatu ad formam capellae, quae
promineat ad praescriptum ordinationis, quam [f. 216v] de altari Sancti
Rochi conficimus, quod si aliqui ex eis recusaverint onus praedictae impensae
subire, concedatur a reverendissimo episcopo, impetrata etiam facultate
a sancta Sede apostolica si necessarium erit, supradicto iurisconsulto tertia
vox dicti iurispatronatus, qui pollicitus est se totam hanc impensam suo
sumptu facturum esse, et propterea etiam provisurum de congrua suppellectili
pro dicta capella et altari.
Altare Annunciationis Beatissimae Mariae Virginis, et Sanctae Barbarae,
quod pilae inhaeret propter petitionem etiam et consensum haeredum, de
quo in actis visitationis mentio fit, iam nunc transfertur ad capellam, quae
sub titulo Sancti Rochi per familiam Daynorum exaedificabitur; donec
autem construatur capella oneri missarum satisfiat ad altare Disciplinatorum.
Dominus Iohannes Maria Merescottus, ut dicitur patronus huius
333