san carlo 2 bassa bresciana.qxd - Brixia Sacra

BASSA CENTRALE
Pontevico, San Tommaso
[a. Acta visitationis, ff. 198v-202v;
Brescia, XL, ff. 368r-372r]
[b. Decreta particularia, ff. 163r-171v;
Brescia, XXVII, ff. 1, 95r-105r]
[a. CHIESA PARROCCHIALE DI SAN TOMMASO DI PONTEVICO]
[f. 198v] Die dominico vigessimo praedicti mensis et anni
Visitavit ecclesiam Sancti Thomae loci Pontis Vici Brixiensis diocesis 1 ,
archipraesbiteratum nuncupatam sub parochiali Sancti Andreae campestris
dicti loci Ponti Vici, in qua ecclesia Sancti Thomae ex antiqua consuetudine
cura animarum exercetur pro populi comoditate et deinceps intra eius
parochiae fines infrascriptas ecclesias, cappellas, oratoria, scholas et pia
loca. Ecclesia haec est consecrata, ampla, non [f. 199r] tamen totius populi
capax, vetusta et incongrua magnaque reparatione eget. In ea Sanctissimum
Sacramentum assidue conservatur in tabernaculo ligneo super altari
maiori, cui lampas 2 expensis titularis Sancti Andreae praelucet. Baptisterium
adest non ad praescriptum neque loco congruo situm.
Altaria sex adsunt videlicet altare maius. Altare Sancti Ioseph cum cappellania
dotata a comunitate Pontis Vici ex bonis consortii ipsius loci cum
onere missae quottidianae et dicitur de iure patronatus ipsius comunitatis.
Redditus annui sunt ducatorum centum vel circa, cappellanus titularis ab
ipsa comunitate ellectus est praesbiter Augustinus Provinus brixiensis,
aetatis annorum 36, legitime docuit de titulo, non ostendit instrumentum
praesbiteratus. Habitat in domo paterna. Docet pueros quos etiam domi
alit, oneri missae satisfacit.
Altare Sancti Bernardini in quo sunt duae cappellaniae dotatae a praedicta
comunitate ex bonis similiter dicti consorcii cum onere missarum
duarum quottidianarum et dicitur de iure patronatus ipsius comunitatis.
Redditus annui sunt scutorum ducentum vel circa. Cappellani titulares
sunt praesbiter Iacobus de Fratis brixiensis, aetatis annorum 70, legitime
docuit de titulo et ordinibus, habitat in domibus dictae cappellae et praesbiter
Iacobus Agatolus aetatis annorum 50, legitime docuit de titulo et
155