san carlo 2 bassa bresciana.qxd - Brixia Sacra

VISITA AI MONASTERI
Contignatio interioris exteriorisque ecclesiae ob eius angustiam et
depressionem, superiore tamen remanente, amoveatur. Paries item eam
dividens tollatur omnino, ut eius longitudini consultum magis sit, rursus
ducatur paries ad superiorem contignationem usque qui ab exteriori dividat,
in quo aedificentur fenestrae, quae clathris ferreis duplicibus ex praescripto
instructionum muniantur, unde et missam audiant et Sanctissimum
Sacramentum a sacerdote celebrante elatum aspiciant. In praedicto insuper
pariete fiant fenestellae pro sacra communione et pro rota, ex qua exponantur
sacra indumenta. Praedicta vero omnia ad sex menses praestentur.
Pavimentum ecclesiae aliquantulum tollatur pro ratione eiusdem altitudinis
latitudinisque.
Lamina fenestrae loci confessionum ita firmetur, ut aperiri nullo modo
possit; in qua fenestella etiam fiat ab utroque latere palmi unius amplitudine,
eaque sera et clave bene munita, quae ad conficienda instrumenta et audiendas
conciones ac huiusmodi tantum aperiatur. Supra locum collocutionis
exteriorem extruatur locus pro audiendis confessionibus atque [f. 188v] ea
de causa solido muro instar inferioris dividatur, in quo ne rima quidem, foramenve
ullum sit, praterquam fenestella ad sacras confessiones audiendas,
appositis ab utroque latere clathris ferreis cum lamina tenuiter perforata et
tela, iisque in pariete ita compactis, ut nulla ratione dimoveri possint; in eo
item conficiatur rota parva ad formam instructionum et scala in loco collocutionis
externo, per quam ad superiorem item externum fiat adscensus.
Rotae omnes ad praescriptum instructionum redigantur. Vasa pro asservandis
uvis statim extra clausuram exportentur, neque ea amplius in eam intromittantur.
Fenestrae ad ingressum loci dormitionis altiores reddantur.
Fenestra in communi loco obstruatur. Ad omnes alias fenestras, quae
spectant in viam publicam, praeter cancellos adhibeantur etiam repagula, quae
trumbae vulgo nuncupantur. Ad porticum item superiorem apponatur transenna
gelosiave, quae sit altitudine cubitorum duorum. Ianua curruum cancellis
ad formam instructionum sepiatur. Arbores omnes iuxta parietes intra
clausuram succidantur; vites vero a pariete longe retrahantur. Agatur cum
domino Zambono et domino Lucio, ut curent plantas duas moros appellatas
prope parietem monialium extra clausuram quam primum evellendas.
Moniales, licet conversae, proposita poena excommunicationis latae sententiae,
ac aliis sacrorum canonum iure, novissimeque Pii V et Gregorii XIII
constitutionibus sancitis, ne extra clausuram nullo quovis praetextu, etiam
425