san carlo 2 bassa bresciana.qxd - Brixia Sacra

BRIXIA SACRA
rum centum septuaginta quinque vel circa. Vacat per privationem et sententiam
in foro episcopali latam contra dominum Lucium Luzaghum clericum
tantum, qui tamen contra formam sententiae fructus [f. 176r] percipit
et oneri non satisfacit. Cappellanus mercenarius est frater Hieronimus
Delphinellus, ordinis Eremitarum cum mercede librarum centum triginta
quae solvuntur a praefato domino Lucio. Exhibuit licentiam a priore
monasterii Misericordiae Pontis Vici permanendi extra monasterium nec
non facultatem ab ordinario celebrandi, imputatus et processatus de copula
carnali et quod medicandi artem exercet, ut in fillo processuum. Ad hoc
altare praefatus dominus Lucius tenetur ad celebrationem missae in hebdomada
ex obligatione per eum ut dicitur sponte suscepta, cui praefatus
frater Hieronimus satisfacit.
Altare Sancti Ioannis Baptistae dotatum redditu annuo librarum sexaginta
de planetis cum onere missae unius in hebdomada de iure patronatus
ut dicitur familiae de Laude. Cappellanus ellectus tantum est praesbiter
Patricius de Laude qui oneri satisfacit, est brixiensis, aetatis annorum 26,
legitime docuit de ordinibus. Ad altare Corporis Domini duae missae in
hebdomada celebrantur ex devotione Scholae Corporis Domini. In eodem
3
altari est onus alterius missae in hebdomada, ad quod tenetur dominus
Ioseph Mosca ex relicto domini Andreae eius patris, qui satisfacit cum
mercede librarum sex in anno. Cappellanus mercenarius est praefatus frater
Hieronimus Delfinus.
Altare Sancti Michaelis cum cappellania quae habet onus missae unius
in hebdomada et dicitur de iure patronatus familiae de Odofredis. Redditus
annui sunt librarum septuaginta. Cappellanus titularis est praesbiter
Laurentius de Odofredis mansionarius in ecclesia cathedrali, qui satisfacit
per praefatum fratrem Basilium Gornum cum annua mercede librarum
sexdecim cum dimidia. Altare Omnium Sanctorum cum cappellania quae
habet onus missae in hebdomada et dicitur de iure patronatus familiae de
Mercandis. Redditus annui sunt librarum octuaginta. Cappellanus titularis
est reverendus dominus Iacobus de Rovellis, absens, et satisfacit per prefatum
fratrem Basilium. Altare Sanctae Caterinae habet cappellaniam cum
onere celebrandi ad mandatum archipresbiteri et coadiuvandi in cura animarum.
Redditus [f. 176v] annui sunt scutorum centum super quibus pensio
annua ducatorum quinquaginta reservata dicitur dominuo Andreae de
Antoninis. Cappellanus coadiutor titularis est praesbiter Hieronimus de
52