san carlo 2 bassa bresciana.qxd - Brixia Sacra

BASSA CENTRALE
Schola Corporis Domini incepta de anno 1512, de errectione tamen
non constat, regulas habet non comprobatas. Scholares in ea descripti sunt
ad numerum 400 vel circa, reguntur per duos sindicos et massarium qui
singulis annis mutantur. Redditus non habet praeter elleemosinas quae
expenduntur in cereos et celebrationem missae singula prima dominica
cuiuslibet mensis. Rationes redduntur [f. 206v] praesente curato, exhibiti
fuerunt libri et bene reguntur. Schola est Sanctae Crucis antiqua, habet
regulam ex urbe Romae; scholares descripti sunt circiter 200, crucem
tamen non defferunt, regitur a massario et consiliariis qui singulis annis
mutantur. Redditus nullos habet praeter ellemosinas quae convertuntur in
cereos, in celebrationem missarum Sancti Gregorii et quatuor offitia a
mortuis, quottannis rationes redduntur praesente rectore; exhibiti fuerunt
libri et bene describuntur. Schola item Rosarii, quae frequentata adest.
Oratorium Sancti Petri campestre fratrum Sancti Dominici, altaria quattuor
habet non dotata. In eo celebratur die eius festo. Annexa est domus
praedicto oratorio in qua habitant duo laici sub nomine heremitarum
absque tamen approbatione ordinarii.
Oratorium Sancti Firmi campestre praedictorum fratrum Sancti Dominici
parvum, vetustum, incongruum, altaria duo habet non dotata. In eo
celebratur die eius festo, quo tempore ante illud nundinae fiunt et in eo vigiliae
et pernoctationes habent. Altare est extra ecclesiam inornatum omnino.
Oratorium seu ecclesia 6 Sancti Rochi in dicto loco Verolae altare solum
habet, dotatum a comunitate cum onere missarum quinque in mense, et dicitur
de iure patronatus prioris scholae Corporis Domini. Redditus annnui
sunt librarum triginta. Titularis cappellanus est praesbiter Iacobus de Alexandrinis
brixiensis, aetatis annorum 66, legitime docuit de titulo et de ordinibus,
habitat in domo paterna est etiam confessarius. Sacristia non adest.
Oratorium Beatae Mariae pietatis Disciplinatorum, altare habet ligneum
et ammovibile, quod habet legatum missarum duarum et annualium duorum
quottanis factum per quondam dominum Christophorum de Origonibus
qui reliquit tot bona ex quibus [f. 207r] annui redditus percipiantur
librarum viginti vel circa a scholaribus disciplinis. Schola ipsa Disciplinato-
187