san carlo 2 bassa bresciana.qxd - Brixia Sacra

BASSA ORIENTALE
legatum librarum vigintique quotannis persolvendarum, relictum a quondam
Iosepho de Laudibus cremonense cum onere construendi cappellam et celebrandi
duas missas in hebdomada et singulis diebus dominicis ibidem, cui
oneri missarum satisfit. Cappellanus amovibilis est Hippolitus de Ceresiis
loci Aquaenigrae, annorum 74, sacerdos qui docuit tantum de ordine diaconatus
et sacerdotii. Coadiuvat etiam in cura animarum in hac ecclesia et confessiones
audit monialium Canneti. In munere coadiuvandi non est tolerabilis.
Est tamen bonae famae. Habitat in domibus propriis.
Coemiterium est septum parietibus. Sacristia adest etiam; super ecclesiam
sunt quaedam loca in quibus bladae abbatiae asservantur. Domus vicarii
curati ecclesiae annectuntur, sed reparatione [f. 242v] indigent. Fabbrica
ecclesiae nullos habet redditus sed vicarius tenetur ad reparationem
ecclesiae. Redditus annui commendae sunt scutorum 1350, super quibus
est pensio scutorum quinquecentum in favorem illustrissimi cardinalis
Sanctae Praxedis et alia pensio scutorum totidem in favorem illustrissimi
cardinalis Altemps ac etiam onus decimarum seminarii. Redditus vero assignati
vicario perpetuo sunt in anno scuta centum octuaginta vel circa,
super quibus sunt infrascripta onera videlicet:
Pro duobus cappellanis scutorum 50
Pro alimentis unius clerici scutorum 25
Pro lampadibus scutorum 6
Pro candelis distribuendis in die purificationis
Beatae Virginis scutorum 5
Pro olivis in die Palmarum scutorum 1
Pro convivio in festivitate Sancti Thomae scutorum 3
Pro cera comburenda in diebus solemnibus scutorum 2
Pro vino in sacrificio missae
scutorum 1½
Pro rata tangente vicario in decimam seminarii scutorum 4
Pro incensu scutorum ½
Aliae item expensae in sacristiae suppellectili faciendae. Reliquum vero
dictorum scutorum 180 remanet ipsi vicario curato. Vicarius curatus et
titularis est Carolus de Saviis loci Aquaenigrae annorum 47, sacerdos et
vicarius foraneus, qui docuit legitime de eius ordinibus et titulo beneficii,
scientia in munere parochi est tolerabilis. Ressidet et habitat in domibus
parochialibus sine clerico, ei tamen celebranti inserviunt clerici huius loci,
357