san carlo 2 bassa bresciana.qxd - Brixia Sacra

BASSA ORIENTALE
Castiglione [delle Stiviere], Santi Nazario e Celso
[a. Acta visitationis, ff. 209r-213r;
Brescia, XXVIII, ff. 1r-4v]
[b. Decreta particularia, ff. 180r-182v;
Brescia, XXVII, ff. 183r-185v; XXIX, ff. 1r-3v]
[a. CHIESA PARROCCHIALE DEI SANTI NAZARIO E CELSO DI CASTIGLIONE]
[f. 209r] 1580 die quinto martii
Praedictus multum reverendus illustrissimus visitator doctor dominus
Antonius Seneca visitator subdelegatus visitavit parochialem ecclesiam
archipresbyteratum nuncupatam Sanctorum Nazarii et Celsi loci Castellioni
et deinceps infrascriptas ecclesias, cappellas, oratoria, scholas et pia
loca intra eius fines constituta. In qua quidem ecclesia ipse reverendus
dominus visitator fuit reverenter ab infrascripto curato et populo exceptus,
ibidemque iuxta morem sibi ab illustrissimo visitatore in omnium parochialium
visitatione praescriptum post peractam ad Deum optimum maximum,
ut par est, ante altare maius orationem, ad clerum populumque satis
frequentem conversus publice de causis adventus sui dequam salutaribus
animarum remediis et rebus ad visitationem ipsam spectantibus verba fecit.
Ecclesia haec consecrata est, satisque ampla et non admodum ornata. Et in
ea Sanctissimum Sacramentum asservatur assidue cum lampade accensa
impensis confraternitatis Corporis Christi.
Baptisterium adest et congruum. Altaria octo habet, videlicet altare
maius. Altare Beatae Mariae Virginis de iurepatronatus, ut dicitur, reverendi
archipresbyteri huius ecclesiae pro tempore existentis cui competit ius
praesentandi, conferendi ipso ordinario. In dicto altari est cappellania cum
cura adiutoriali annexa cum annuo redditu scutorum quinquaginta et cum
onere [f. 209v] duarum missarum in hebdomada ut dicitur, cui oneri satisfit
per titularem praetensum qui est ***. Presbiter Bernardinus Cataneus
eiusdem loci Castillioni, annorum 60, exhibuit dispensationem obtentam
ab illustrissimo Hercule Gonzaga cardinale legato apostolico, cuius vigore
promotus fuit ad sacerdotium in anno suae aetatis XXIII de reliquis item
ordinibus legitime docuit. Super praedicta cappellania exhibuit bullas
199