san carlo 2 bassa bresciana.qxd - Brixia Sacra

BRIXIA SACRA
est praesbiter Iulius Catonus loci Canneti, annorum 47, qui docuit legitime
de ordinibus praeterquam de praedicta tonsura. Est bonis litteris et moribus
et habitat in domibus propriis. In dicta ecclesia est confraternitas.
Oratorium Sanctae Mariae dictum de serpe, distans spatio milliaris ab
oppido, est satis amplum et est membrum praedictae ecclesiae archipresbiteralis
de Canneto. Nullos habet redditus, in eo celebratur die eius festo
tantum. Habet cubiculum annexum in quo commoratur heremita.
Confraternitas Disciplinatorum
Antiquitus erecta, sine regulis approbatis. Regitur per sex consiliarios,
duos sindicos, ministrum et massarium qui bis in anno mutantur vel confirmantur.
Habet annuos redditus librarum 217, eleemosynae praeterea a
scholaribus quaeritantur, computatis omnibus legatis predictis, ex quibus
omnibus redditibus et eleemosinis celebrare faciunt in supradicta ecclesia
praeterea reparatur et ornatur ecclesia, et quod ex redditu superest erogatur
in pauperes. Suputantur rationes administrationum bis quotannis et aliquando
cum interventu reverendi archipresbiteri. Fuit visitata a reverendissimo
episcopo Bollano et eius visitatoribus.
Montis pietatis erectus de anno 1539 cum facultate serenissimi ducis
Federicii Mantuae cum nonnullis capitulis exhibitis, quae observantur et
inter alia est quod a mutuatariis possit percipi denarius unus pro libra ad
rationem quinque pro centenario in anno ad onera et labores ministrorum
suppurtandas, quod capitulum executioni demandatur. Capitale consistit
in pecuniis et ascendit ad librarum 4500 vel circa. Regitur a rectore, duobus
rationatoribus, massario, submassario et notario, qui [f. 251v] singulo
biennio vel mutantur vel confirmantur iuxta capitula. Supputationes administrationum
singulis annis fiunt sine interventu reverendissimi archipresbiteri.
Ratio pecuniae mutuatae et pignorum susceptorum ac pignorum
subhastatorum describitur in libris recto ordine distinctis.
De ecclesia monialium Sanctae Haelenae vide infra ubi de monialibus agitur.
Ecclesia Sancti Georgii Bozzolani 10
Simplex 11 , membrum archipresbiteralis ecclesiae Canneti, est parva et inornata.
Non est consecrata et distat a Canneto circiter duobus miliaribus.
396