san carlo 2 bassa bresciana.qxd - Brixia Sacra

BRIXIA SACRA
Sancti Erasmi
Ecclesia Sancti Erasmi in oppido Asulae consecrata est, in qua olim exercebatur,
ut dicitur, cura animarum, quae cura ob maiorem populi commoditatem
translata fuit ad ecclesiam archipraesbiteralem et hodie sine cura
beneficium nuncupatum, uti ex bullis provisionis patet. Est de iure patronatus,
ut dicitur, reverendi archipraesbiteri et magnificae communitatis qui
sunt in quasi possessione praesentandi, ius vero instituendi est reverendissimi
episcopi brixiensis diocesani. Habet quinque altaria. Altare maius
consecratum est, ut dicitur, ad quod nullum est legatum particulare. Celebratur
in dicto altari. Rector titularis 20 est Pompeius Cattaneus et habet
onus celebrandi quotidie, cui oneri satisfacit per alium, est diaconus et
aetatis XXVI. Redditus annui sunt scutorum viginti.
Altare Sanctae Affrae nuper constructum, in eo non celebratur, dictum
tamen fuit quaedam bona huius altaris dominus Hippolitus de Datis possidet
in territorio Asulae nuncupati Sancta Maria alle Chiusure et in loco ubi
dicitur alle Brede, quae quidem bona titulo locationis detinentur a Hieronimo
Pomponio et a Virgilio Lama de Asula. Altare Sancti Antonii habet,
ut dicitur, legatum factum a quondam domino Ioanne Baptista de Rotiis de
Asula unius petiae terrae olim in emphiteosim datae Ludovico Parabosco
sitae in territorio Asulae in loco noncupato Gleriarum cum onere missae
singulis hebdomadis, cui non satisfit, nec ficta predictorum bonorum persolvuntur.
Altare Sancti Iob habet legatum relictum a quondam domino
Baptista Rotio, ut constat ex testamento rogato a quondam Hyeronimo
Parabosco [f. 239v] loci Asulae cum onere celebrandi semel in hebdomada,
cui oneri adhuc non fuit satisfactum. Dominus Ludovicus Parraboscus est
qui tenetur ad praedictum onus celebrare faciendi. Arce quaedam seu
deposita, in cappella huius altaris sunt. Caemiterium adest et patet omnibus
in quo 21 quandoque humantur cadavera. Dictum fuit quod presbiter
Hyppolitus de Datis occupat quasdam possessiones et bona nuncupata
Sancta Maria alle Chiusure et alle Brede in agro asulano, quae spectant ad
hanc ecclesiam Sancti Erasmi, quorum bonorum pars altera a Hyeronimo
Pomponio, altera vero a Vergilio Lama titulo locationis. Sacristia a latere
meridionali cappellae maiori annexa, ornatu distributa.
Ecclesia simplex Sanctorum Sebastiani et Rochi in oppido Asulae non
consecrata. In ea est cappellania de iurepatronatus communitatis, ut dici-
326