san carlo 2 bassa bresciana.qxd - Brixia Sacra

BRIXIA SACRA
Schola Sanctissimi Sacramenti cepta est a multis annis, sed ignoratur de
erectione. Non habet regulas approbatas. Regitur indifferenter a scholaribus.
Nullos habet redditus, praeter legatum relictum a quondam Baptista Beaga
cum onere celebrare faciendi unum officium pro mortuis in anno, cui satisfit.
Oratorium Sancti Cassiani est situm intra fines parochiae Rotundischi,
ut nonnulli asserunt, alii vero intra fines parochiae Marianae esse dicunt.
Indiget reparatione. Altare unicum angustum et omni penitus ornatu
destitutum, in quo est clericatus, ut dicitur, et [f. 247v] familia de Arrivabenis
habet ius praesentandi, ut etiam constat litteris in lapide scultis et est
in quasi possessione, ius vero constituendi spectat ad reverendum abbatem
Aquaefrigidae pro tempore existentem. Habet nonnulla bona ex quibus
percipiuntur annui redditus ducatorum undecim. Titularis est dominus
Scipio de Arrivabenis, qui litteris incubit Bononiae 1 et in habitu et tonsura
non incedit.
1
Aggiunto in interlinea.
[b.] [f. 247r] In ecclesia Sancti Firmi, loci Sancti Firmi
Titularis pro tempore existens ecclesiae Sancti Firmi sacramenta omnia
ministret, videlicet [f. 247v] baptismum, eucharistiam, poenitentiam et
extremam unctionem, aliaque munera pro cura animarum praestet, uti alii
titulares et mercenarii in eius absentia antea ministrarunt ex veteri et
immemorabili consuetudine. Verum quia praesens titularis per se hoc onus
subire minime potest, ordinarius eligat sacerdotem mercenarium qui
vivente titulari sacramenta omnia consueta ministret et missas celebret in
eadem ecclesia, eique assignet pro eius sustentatione omnes oblationes
quas in festo, aliisque diebus fieri contigerit; praedictus titularis ad minus
scutos decem solvat mercenario, qui satisfaciat oneri animarum ipsius,
quae ecclesia iam nunc etiam reverendissimi ordinarii consensu in parochialem
erigitur sine praeiudicio viventis ad praescriptum concilii Tridenti-
382