san carlo 2 bassa bresciana.qxd - Brixia Sacra

BASSA CENTRALE
ordinibus praeter de prima tonsura, habitat in domo paterna, processatus
de concubinatu cum Paula Scarpelina ex qua filios suscepit exinde per
annos quinque proximos de dicto loco Pontis Vici exualavit ut in libro processuum
criminalium; qui ambo capellani satisfaciunt.
Altare Corporis Domini in quo quotidie celebratur expensis scholae
Corporis Domini tunc ex devotione quam ex pluribus relictis. Cappellanus
mercenarius est praesbiter Vincentius Ruglerius brixiensis, aetatis annorum
28 cum annua mercede librarum 120, legitime docuit de ordinibus.
Habitat in domo paterna. Reliqua altaria indotata. Sacristia est [f. 199v] a
parte meridionali parva et fere destituta suppellectili; convenerunt in
instrumento conventionis inter se cappellani et reservatarius de suppellectili
comparanda necessaria et de contribuendo ad reparationem ecclesiae ut
infra 3 . Cimiterium est undique circa ecclesiam apertum et immondum qui
servitutem fenestrarum patitur eredem Angeli de Ariore qui eam a comunitate
ab annis duobus citra acquisivit.
Ex conventione tamen inita inter dominum Silvestrum Valerium reservatarium
et dominum Salomonem titularem ac inter praedictos tres cappellanos
tectum ecclesiae est reparandum, et bene sartum et compactum
asservandum perpetuo ex fructibus beneficii parochialis. Praeterea ad praesentem
reparationem reservatarius promissit libras 850, cappellani autem
350 promisserunt, quod si ad perficiendam dictam reparationem praedictae
librae 1200 non sufficiant, dicti cappellani et reservatarius promisserunt
contribuere pro ea parte quam reverendus Tranquillus Soldus canonicus
brixiensis et eques Vincentius Stella arbitrabuntur. De cetero autem promisserunt
et cappellani et reservatarius ad reparationem contribuere ad
arbitrium duorum amicorum comunium, ut constat instrumento rogato
per dominum Baptistam Trapam. Domus parochialis et archipresbiteralis
est contigua mediante cimiterio, in qua habitat archipraesbiter titularis.
Domus adsunt contiguae ecclesiae pro habitatione duorum coadiutorum.
Fabrica ecclesiae nullos redditus habet. Redditus annui dicuntur Sancti
Andreae archipraesbiteralis, non autem huius ecclesiae Sancti Thomae, qui
assendunt ad sumam scutorum circiter duorum mille, qui reservati dicuntur
reverendo domino Silvestro de Valeriis veneto, alias titulari dictae
archipraesbiterali ecclesiae Sancti Andreae cum onere sustinendi duos coadiutores
in cura animarum nec non solvendi [f. 200r] ducatos quinquaginta
rectori titulari, qui tamen reservatus solum coadiutorem manutenet.
157