san carlo 2 bassa bresciana.qxd - Brixia Sacra

BASSA ORIENTALE
Beverara, Santi Michele e Giusto
[a. Acta visitationis, ff. 243v-244r;
Brescia, XXVIII, ff. 59v-60r; XL, ff. 54r-55r]
[b. Decreta particularia, ff. 241v-242v;
Brescia, XXVII, ff. 130v-131r; XXIX, f. 68v]
[a. CHIESA PARROCCHIALE DEI SANTI MICHELE E GIUSTO DI BEVERARA]
[f. 243v] Die 6 aprilis suprascripti mensis et anni
Visitavit ecclesiam Sanctorum Michaelis et Iusti, parochialem loci Beverariae
et deinde scholam Sanctissimi Sacramenti. Consecrata est, angusta et vetus.
In ea Sanctissimum Sacramentum assidue asservatur cum lampade perlucenti
expensis parochi. Baptisterium adest. Altaria tria adsunt, videlicet altare
maius, altare Sanctissimi Sacramenti cum schola sub eodem titulo. In hac
ecclesia est legatum quondam Ioseph de Laude cremonensis, ex quo eius
haeredes tenentur ad celebrari faciendum missam unam singulis diebus
dominicis et loco dictae obligationis solvunt librarum 15 in anno pauperibus,
ut dicitur, de consensu reverendissimi episcopi Bollani felicis recordationis,
non obstante quod sit [f. 244r] contra testatoris voluntatem. Sacristia adest,
sed angusta. Coemiterium est non omnino septum parietibus. Domus parochiales
non adsunt, sed quaedam tantum ad usum coloni. Fabrica ecclesiae
nullos habet redditus, sed ad eam contribuit parochus et communitas ad libitum.
Redditus annui huius ecclesiae sunt librarum ducatorum 200, super
quibus est reservata annua pensio.
Rector titularis est Benedictus de Toninis loci Medularum, sacerdos qui
docuit legitime de ordinibus et titulo beneficii. Scientia in munere parochi
est tolerabilis, est probatae vitae et habitat in domibus conductis sine clerico.
Ei tamen in divinis inserviunt Hercules de Todeschis et Franciscus de Mottis
loci Beverariae, ambo scholares habitum clericalem gestantes. Animae sunt
143, ex his sacram communionem sumunt 121. Schola Doctrinae christianae
frigide exercetur.
Confraternitas Sanctissimi Sacramenti antiquitus coepta est sine regulis
approbatis. Regitur a massario et tribus consulibus qui singulis annis
mutantur. Habet tantum eleemosynas quae impenduntur in cereis ad alta-
363