san carlo 2 bassa bresciana.qxd - Brixia Sacra

BASSA CENTRALE
donec aliud per nos ordinatum fuerit. Caveat a verbis turpibus, nec cum
aliquo contentiones habeat. Ave Maria meridiana singulis diebus pulsetur.
Interesse studeant omnes sacerdotes, saltem diebus festis orationi vespertinae
in ecclesia.
In oratorio Sancti Laurentii Disciplinatorum
Separatio cappellae ab oratorio tollatur, et ibi figantur clathra ferrea in
superiori gradu cappellae. Parietes ecclesiae incrustentur et dealbentur.
Campanile quamprimum fieri potest, perficiatur. Scholares commessationes
inter se ne faciant. Neve aliquam peccuniarum portionem in anno persolvere
cogantur, sed tantummodo oblationes sponte factas exigi liceat. [f.
142r] Rationis rectiori et clariori ordine teneant. Bursae scholae plus offerentibus
locentur praevio incantu.
In oratorio Sancti Rochi
Altare maius cancellis ligneis decentibus muniatur. Altare laterale tollatur.
Fenestrae altaris maioris altius fiant, ne intus inspici possit. Fenestrae vero
laterales portae maioris muro obstruantur. Interim vero in eo non celebretur,
donec praedicta perficiantur.
In ecclesia Beatae Mariae Angelorum fratrum Minorum
Sancti Francisci de observantia
Pyxis ad formam accommodetur, ita ut facile a fracmentis purgari queat.
Provideatur de altaribus portatilibus consecratis ad formam. Bradellae altarium
decentiores fiant, et ad formam reducantur. Provideatur de corporalibus,
et purificatoribus ad formam. Calices et patenae in visitatione profanatae
inaurentur, et accomodentur. Praefectus monasterii neminem secularium
tempore divinorum officiorum in choro persistere patiatur.
93