san carlo 2 bassa bresciana.qxd - Brixia Sacra

BRIXIA SACRA
sacerdotes ne in domibus laicorum habitent absque reverendissimi ordinarii
concessione scripta, quam termino mensis obtinea[n]t. Interesse studeant
omnes sacerdotes saltem diebus festis orationi vespertinae in ecclesia.
Horae omnes canonicae singulis diebus capitulariter celebrentur in choro.
Ob idque etiam ex nunc ad praescriptum concilii Tridentini per praefatum
illustrissimum visitatorem apostolicum a bonis et redditibus unius
cuiusque vicariae et canonicatum perpetuo separatur [f. 174r] et dimembratur
tertia pars fructuum in quotidianas 7 distributiones convertenda; aut
si personaliter, vicarius et canonici competens servitium quottidie et qualibet
hora canonica non impleverint, illius diei et horae distributionem pro
ratione dictae tertiae partis fructuum praebendarum suarum amittant, et
inter caeteros illis ipsis horis interessentes proportionaliter distribuantur,
ad quod effectum etiam in praeiuditium absentium sequestra dictae tertiae
partis fiant. Qui vero in confessionibus aut alio munere curae occupati fuerint
praesentes in choro censeantur. Deputetur quoque punctator, et
notentur absentia et errata ad praescriptum conciliorum Tridentini et provincialium.
Serventur alia ad praescriptum eorundem conciliorum de hora
et libro missarum, quae in dies celebrantur, ac de tabellis in sacristia tenendis.
Cappellani huius ecclesiae choro intersint saltem diebus festis. Capitulum
spirituale in hebdomoda separatim ab aliis spiritualibus negociis
habeatur ad praescriptum concilii provinacialis.
Ex fructibus huius beneficii praeposituralis, sive vicariae perpetuae sustineatur
clericus idoneus, qui in habitu et tonsura semper incedat, et ecclesiae
inserviat. Alii item clerici duo, qui in habitu et tonsura semper incedant,
eisque in missis inserviant. Ave Maria meridiana singulis diebus pulsetur.
Presbiter Hippolitus Spalentia canonicus a reverendissimo ordinario ad
residentiam citetur sub poenis ad praescriptum concilii Tridentini. [f. 174v]
Presbiter Fanciscus Rana vestem superiorem termino mensis habeat.
Rosarii confratres quotannis 8 officiales suos constituant, et administrationis
suae quotannis 9 rationem reddant etiam cum interventu curati. Sanctissimi
vero Sacramenti scholares regulam ab ordinario confirmatam habere
procurent, quorum officiales pariter singulis annis eligi debebunt, et
administrationis suae rationem reddere ei quem reverendissimus episcopus
constituet, sive curato sive vicario foraneo. Deputati pariter ad pium locum
Montis pietatis administrandis singulis annis deligantur et renoventur, qui
item administrationis suae rationem reddant.
182