san carlo 2 bassa bresciana.qxd - Brixia Sacra

BASSA CENTRALE
Verolanuova, San Lorenzo
[a. Acta visitationis, ff. 202v-205v;
Brescia, XL, ff. 425r-430v]
[b. Decreta particularia, ff. 171v-176r;
Brescia, XXVII, ff. 105r-111r]
[a. CHIESA PARROCCHIALE DI SAN LORENZO DI VEROLANUOVA]
[f. 202v] Die lune XXI suprascripti mensis et anni
Visitavit et caetera parochialem ecclesiam praeposituralem simul et collegiatam
Sancti Laurentii burgi Verola Alghisii quae ut dicitur est de iure
patronatus familiae de Gambara et deinceps intra eius fines infrascriptas
ecclesias, cappellas, oratoria, scholas, ecclesia et loca pia. Est consecrata et
ampla, populi, qui multus est, tamen incapax. In ea Sanctissimum Sacramentum
assidue conservatur in tabernaculo ligneo super altari maiori collocato
cui lampas impensis illustrissimi cardinalis Gambarae praepositi
titularis praelucet. Reliquiae nonnullae quae dicuntur donatae ab illustrissimo
comite Nicolao Gambara servantur in fenestella in cappella maiori a
parte evangelii. Baptisterium non decens neque loco congruo situm.
Altaria undecim in ea ecclesia adsunt videlicet altare maius. Altare Conceptionis
Beatae Mariae in quo illustrissimus cardinalis Gambara et illustrissimus
comes Rainitius eius frater tenentur ad onus missae quottidianae ex legato
quondam illustrissimi comitis Brunori de Gambara, cui satisfaciunt. Cappellanus
mercenarius est praesbiter Laurentius Zileppus sive Petonus brixiensis,
aetatis annorum triginta vel circa cum mercede annua scutorum triginta,
celebrat tamen quoque in oratorio privato intra aedes predicti illustrissimi
comiti Rainutii. Habitat cappellanus [f. 203r] ipse in domo conducta una cum
sorore, docet litteras gramaticales, legitime docuit de ordinibus.
Altare Sancti Iacobi in quo est onus missae quottidianae et coadiuvandi
in cura animarum, quod praepositurae unitum dicitur. Cappellanus mercenarius
est praesbiter Baptista de Ferrariis de Gabiate brixiensis, aetatis
annorum 37, cum mercede annua scutorum quadraginta quae solvuntur ab
illustrissimo cardinali de Gambara. Habitat dictus cappellanus in domibus
dictae ecclesiae una cum sorore, legitime docuit de ordinibus. Altare Sancti
173