san carlo 2 bassa bresciana.qxd - Brixia Sacra

BASSA ORIENTALE
Remedello di Sotto, San Donato
[a. Acta visitationis, ff. 233r-v;
Brescia, XXVIII, ff. 38v-40r; XL, ff. 212v-213r, 219]
[b. Decreta particularia, ff. 212r-v;
Brescia, XXVII, ff. 205v-206r; XXIX, ff. 36v-37r]
[a. CHIESA PARROCCHIALE DI SAN DONATO DI REMEDELLO]
[f. 233r] Die 25 suprascripti mensis et anni
Visitavit ecclesiam parochialem Sancti Donati loci Remetelli Inferioris et
deinde intra eius fines infrascriptas ecclesias et scholas. Consecrata est, sed
angusta egetque reparatione et ornatu. In ea Sanctissimum Sacramentum
assidue asservatur cum lampade praelucenti 1 expensis parochi. Baptisterium
adest. Altaria quattuor, videlicet altare maius; altare Sanctissimi
Sacramenti cum schola sub eodem titulo in quo ex ipsius scholae devotione
celebratur quotidie in eadem missa conventualis in prima dominica
cuiuslibet mensis cantatur et duo officia pro mortuis in anno et hoc ex
fructibus et collectis dictae scholae, aliquando tamen fructus et collectae
non suppetunt et tunc quotidie non celebratur. Cappellanus amovibilis
nunc est presbiter Horatius de Ferrariis loci Gambarae, qui non docuit de
ordinibus; adest suspitio quod promotus fuerit ante tempus statutum.
Beneficium non habet. Habitat in domibus propriis. Altare Sancti Antonii
in quo celebratur semel in hebdomada ex devotione familiae [f. 233v] de
Rotiis; altare aliud est indotatum.
Coemiterium non est saeptum. Sacristia adest. Domus parochiales sunt
contiguae ecclesiae et satis commodae. Fabrica ecclesiae nullos habet redditus,
sed ad eam communitas et parochus contribuunt ad libitum. Redditus
annui parochiales sunt ducatorum 200, super quibus est obligatio scutorum
40 pro pensione extincta semel tantum solvendum. Rector titularis
et ressidens est presbiter Franciscus Baltheus loci Prati Albuini, aetatis
annorum 40, sacerdos. Docuit legitime de eius ordinibus et titulo benefici.
Bene audit. Habitat in domibus parochialibus sine clerico. Animae sunt
500, quae ex iis sacram communionem sumunt 300 sunt. Schola Doctrinae
christianae exercetur.
307