san carlo 2 bassa bresciana.qxd - Brixia Sacra

BRIXIA SACRA
Altare Sancti Alberti ornetur, et clathra sepiatur, cuius bradella ad formam
fiat, et ostium ibi vicinum muro obstruatur, et ei altari provideatur de
mensa [f. 130r] portatili ad formam, ac de paramentis necessariis haecque
sex mensium spacio. Parietes 1 huius navis dealbentur, et pingantur. Pavimentum
fiat e cemento. Altare hoc scholae Rosarii conceditur, cuius altare
demoliendum est, eaque schola illud ornet, instruatque ut supra. Altare
Sancti Hieronimi tollatur, et ad altare Sancti Alberti praedicti ex nunc transfertur
cum suis iuribus et oneribus.
Altare Trinitatis in nitia a parte anteriori restringatur propius murum, tollendo
gradus superiores, et cancellis ferreis sepiatur; eius bradella ad formam
reducatur, fenestrae laterales altius tollantur ne intus inspici possit, et vitrea
apponantur. Ad hoc altare, et ad altare Sancti Hieronimi de paramentis ad
praescriptum instructionum generalium provideatur expensis titularium qui
quottannis scuta decem pro singulo erogabunt pro executione huius ordinationis
et ad hoc effectum fiant etiam sequestra et relaxa quottannis.
Pro altare Sancti Martini nicia fiat ad instar cappellae Sanctissimae Trinitatis
huic altari vicinae, quae sepiatur et ornetur ad formam, et interim hoc
altare tollatur et oneri missae satisfiat in dicto altari Sanctissimae Trinitatis.
Eidem cappellae Sancti Martini provideatur de paramentis omnium colorum
ad praescriptum instructionum generalium expensis fructuum ipsius
cappellae. Expendantur quotannis 2 ex redditibus dictae cappellae scuta quadraginta
pro exequutione suprascriptarum nostrarum ordinationum donec
adimpleantur. Titularis huius cappellaniae clericum habeat qui in habitu et
tonsura semper incedat et ei in missae sacrificio inserviat. [f. 130v] Cappellano
mercenario, qui nunc est, solvantur ex redditibus dictae cappellae ad
rationem librarum centum quinquaginta in anno pro eius sustentatione.
Dominus Iulius Luzagus, alias titularis huius cappellae Sancti Martini,
ad restitutionem compellatur fructuum per eum exactorum iuxta formam
sententiae in foro episcopali contra eum latae et in actis huius visitationis
exhibitae; et attento etiam quod ab illo die citra hoc beneficium contra formam
fundationis retinuit, ex qua requirebatur ipsum esse sacerdotem et
intervenire debere divinis in ecclesia, quod tamen adimpletum non fuit,
quamobrem etiam locum habet sententia privationis ab eodem vicario contra
eum lata, et ab illo sponte suscepta. Compellatur etiam ad restitutionem
fructuum ab illo die citra, ut iuris fuerit, summarie et vigore etiam
huius visitationis.
58