san carlo 2 bassa bresciana.qxd - Brixia Sacra

BASSA ORIENTALE
In ecclesia Sancti Laurentii extra castrum Guidicioli
In posterum celebretur in ecclesia Sancti Laurentii etiam diebus festis a
titulari post missam parochialem. Aedes inhaerentes dictae ecclesiae in
futurum minime laycis absque permissu reverendissimi ordinarii locentur.
Ne item in praedictis aedibus laycos cuiusvis status et conditionis morari
patiatur, sub poena suspensionis et privationis beneficii. Altare maius redigatur
ad formam, cui item adhibeatur petra sacrata, et ad formam inseratur.
Ostia praedictae ecclesiae clausa retineantur diu noctuque, praeterquam
tempore divinorum officiorum.
In oratorio Sancti Andreae
Oratorium Sancti Andreae existens intra fines parochiae Sanctorum Petri
et Pauli, quod consecratum non est, nec bona aliqua, seu redditus habet, et
ita collapsum repertum est, ut refici et instaurari non possit, praesentis
decreti auctoritate prophanatur, ita ut universitas et homines eiusdem
parochiae praedicti oratorii lignis, lapidibus, lateribus et aliis coementis,
materiave pro fabrica et ampliatione ecclesiae parochialis uti possint, ac
denique ipsum oratorium sic dirutum ac prophanatum in prophanos [f.
207r] usus non sordidos, erecta ibi cruce ad praescriptum concilii Tridentini
converti posse decernitur et declaratur.
Pro societate Corporis Christi
Confraternitatis Corporis Christi erit ea, quae pro Sanctissimi Sacramenti
ornatu erunt necessaria comparare, et missam conventualem, quae ad altare
Corporis Christi celebrabatur, in futurum ad altare maius, in quo est
Sanctissimum Sacramentum praestare, ex instituto et praescripto erectionis
ipsius scholae. Provideat quamprimum de umbella et duabus etiam
laternis decentibus pro associando Sanctissimo Sacramento. Debitores
legatorum piorum ad hanc confraternitatem relictorum ad solvendum iuris
opportunis remediis compellantur, summarieque. Singulis annis offiaciales
mutentur, et ratio totius administrationis coram reverendissimo ordinario
vel vicario foraneo, praesente etiam parocho, reddatur.
1
Corretto da et.
269