san carlo 2 bassa bresciana.qxd - Brixia Sacra

BASSA CENTRALE
Urcis brixiensis, aetatis annorum 34, est 4 cappellanus mercenarius ad altare
Sancti Alberti, legitime docuit de titulo et ordinibus. Habitat in domibus
parochialibus.
Altare Sancti Vincentii habet cappellaniam cum onere coadiuvandi et
celebrandi ad mandatum archipresbiteri. Redditus annui sunt scutorum
centum vigintiquinque, super quibus pensio ducatorum septuaginta dicitur
reservata reverendo Antonio de Alenis canonico brixiensi. Coadiutor titularis
est praesbiter Bartholameus de Spagnolis brixiensis, annorum 44, legitime
docuit de titulo et ordinibus, habitat in domibus parochialibus. Altare
Sancti Georgii habet cappellaniam cum onere missarum quatuor in hebdomada,
quae etiam alibi celebrari possunt et dicitur de iure patronatus familiae
de Luzaghis. Redditus annui sunt scutorum quinquaginta. Cappellanus
titularis est praesbiter Hercules Linghetinus, absens, et dicitur alibi satisfacere
oneri. Altare Rosarii Beatae Virginis Mariae cum schola de qua infra.
Altare Sanctae Mariae Nivis extra ecclesiam quod est devotionis, dotatum
nonnullis bonis cum onere missarum duarum in hebdomada, ad quod
tenentur magnifici domini Ippolitus Luzaghus et fratres, qui bona dicti
altaris ficti libellarii nomine conduxerunt cum eo onere missarum oblationes
colliguntur in hoc altari pro summa librarum centum in anno vel circa
per archipresbiterum, communitatem et unum ex nobilibus ad id deputatos
a Sancta Sede appostolica vigore bullae Pauli III pontificis in actis exhibitae,
quae convertuntur in ornatum altaris et in nutriendo infantes et mittendo
filios pauperes donec ad hospitale mittantur et item [f. 177r] in alia
pia opera. Exhibiti fuerunt libri rationum qui bene reguntur.
In hac ecclesia adest legatum annualis unius ad quod tenetur Petrus de
Blancis ex relicto quondam Bartholini Boninsegni, qui petiam terrae appellatam
la Lama perticarum septem obligavit, cui oneri non satisfit. Campanarum
pulsandarum curam habet quidam laicus. Sacristia 5 adest. Domus
parochialis distat ab ecclesia per centum passus et extra castrum in quo dicta
ecclesia sita est et reparatione egent. Domus coadiutorum sunt annexe
ecclesiae. Redditus annui archipresbiterales sunt scutorum trecentum vel
circa cum annuis pensionibus scutorum centum diversis personis reservatis.
Archipresbiter est reverendus dominus Ioannes Maria Marius nuncupatus
de Luzaghis brixiensis, aetatis annorum 50. Legitime docuit de titulo et
ordinibus, habitat in domo conducta, probatis moribus, dispensatus ob
defectum natalium, habet in eius familia servas sine reverendissimi ordina-
53