san carlo 2 bassa bresciana.qxd - Brixia Sacra

BASSA CENTRALE
Mons pietatis adest, qui pariter regitur a comunitate quae deputat massarium
et canzellarium cum salario scutorum quatuor pro singulo. Habet
de capitali librarum septem mille tercentum. Mutuatur pauperibus sub
pignore usque ad summam scutorum trium et non ultra, cum termino anni
ad ea exigendum et recuperandum. Computa redduntur comunitati. Visi
sunt libri exhibiti et bene describuntur.
Oratorium seu ecclesia Beatae Mariae assumptionis scholae Disciplinatorum,
altare est dotatum a quondam domino Gabriele Facono cum onere
missarum duarum in hebdomada et singulis festis, ad quod tenetur dominus
Ioannes Baptista Romaninus eius heres, qui satisfacit per fratrem Ioannem
Baptistam ordinis Sancti Ieronimi de Fieso cum mercede annua librarum
centum imperialium. In dicto oratorio seu ecclesia est schola Disciplinatorum
antiqua de cuius errectione non constat. Regulas habet ad usum
provinciae 3 Mediolanensis editas; scholares in ea descripti sunt numero 16,
qui gestant habitum album. Reguntur a ministro, subministro, massario et
consiliariis qui singulis annis mutantur. Redditus annuos habet scutorum
sex vel circa praeterea oblationes quae expenduntur in cereos et ornatum
eorum oratorii. Computa quottanis fiunt praesente rectore; exhibiti fuerunt
libri rationum qui bene reguntur.
[f. 198v] Ecclesia Sancti Alexandri, alias archipraesbiteralis dicti loci
Hostiani concessa per archipraesbiterum fratribus ordinis Sancti Hieronimi
del Fierro. Altaria quatuor habet indotata. In ea dicitur requiescere corpus
Sancti Gaudentii in capella maiori, in quo loco cratis ferrea eminet et fuit ibi
translatum de anno octocentessimo trigessimo a reverendissimo Manfredo
episcopo brixiensi ut ex quadam fide exhibita in actis visitationis apparet.
Oratorium Beatae Mariae de Toresella membrum abbatiae Sancti Antonii
de Leno, altaria quatuor habet non dotata. In eo aliquando celebratur
per fratrem Augustinum de Cremona ordinis Sancti Francisci ex licentia
abbatis. Annexa est domus cum viridario parvo.
Oratorium campestre Sancti Rochi parvum, altaria tria habet non dotata.
Redditum nullum habet, in eo non celebratur. Comunitas onus habet ex
voto celebrari faciendi in hoc oratorio missam singulis festis, prout etiam
deposuerunt nobilis dominus Ioannes Abblaticus et dominus Antonius
149