san carlo 2 bassa bresciana.qxd - Brixia Sacra

BRIXIA SACRA
[b.] [f. 163r] In ecclesia parochiali Sancti Thomae loci Pontisvici
Pixis ad formam infra quindecim dies aptetur, veloque decenti cooperta
assidue custodiatur. Altera etiam pyxis maior argentea ad populi communionem
infra mensem comparetur. Tabernaculum ligneum decentius, ornatumve
ad formam [f. 163v] instructionum trium mensium spacio curetur.
Baptisterium cum sacrario eidem adiuncto ad secundam formam instructionum
exstruatur, loceturque in cappella ad eandem instructionum formam
architectanda, in pariete acquilonari prope frontispicium ecclesiae
mensura conformis aliis cappellis minoribus, ut infra construendis. Vascula
sacrorum oleorum ad formam infra quindecim dies accommodentur.
Confessionalia quatuor ad formam infra mensem apponentur, praemissaque
omnia huius parochialis beneficii fructibus a reservatario praestentur.
Eiusdem etiam reservatarii redditu infra duos menses paretur altaris suppellex
ornamentaque de quibus infra. Pallium ex panno serico raso rubri
coloris ad altare maius reliquae indumentorum supellectile hoc tempore
existenti conveniens paretur. Apparatus ad sollemnioris officii celebritatem
necessarius ex serico damasceno coloris albi comparetur videlicet palium,
pluviale, planeta tunicellae duae, stollae duae, manipuli tres, integumentum
missalis, pulvinar, sacculus corporalis, praefinita ecclesiasticae suppellectilis
forma. Totus insuper missae funeralis apparatus ex zambelloto nigro. Ad
haec quintuplex ad quottidianum usum apparatus ex zambelloto videlicet,
pallium, pluviale, planeta, [f. 164r] manipuli, stolae, pulvinar, unus rubro
colore, albo alter, viridi tertius, violaceo quartus, et nigro demum quintus.
Albae saltem sex ex lino non tenui admodum, totidemque amictus. Cingula
duodecim ex candido filo retorto. Corporalia sex ex tela linea tenui. Purificatoria
vigintiquatuor cum cruce in medio intexta. Vela saltem quinque
auro contexta ad calicis usum, quae indumentorum colori respondeant.
Rursus alia quinque simplici opere pro quottidiano usu. Mantilia sex pro
abstergendis manibus, dum missae sacrum fit. Mantilia oblonga ad abstergendas
manus in sacristia appendenda. Mappae grandiores tres e tela tenui,
sexque minores ad altaris maioris usum. Paretur item reliqua instrumentorum
supellex, scilicet pulviculae, urceoli, vas abluendi corporalia et id genus
alia. Praedicta vero omnia ad praescriptum instructionum normam tum eiusdem
reservatarii, tum trium cappellanorum sumptibus, prout etiam inter
eos conventionis instrumento exstat per totum annum 1580 conficiantur.
162