san carlo 2 bassa bresciana.qxd - Brixia Sacra

BRIXIA SACRA
detur de necessariis circa ornatum Sanctissimi Sacramenti et missa conventualis
celebratur in secunda dominica cuiuslibet mensis dieque sequenti officium
pro mortuis. Ratione legatorum piorum eidem scholae multi debent,
computa fiunt singulis annis cum interventu vicarii. Fuit visitata de anno
1569 a visitatore reverendissimi ordinarii. Schola Sanctissimi Rosarii erecta
de anno 1575 in antedicta ecclesia parochiali regitur a massario qui non
mutatur ad praescriptum. Nullos habet redditus sed tantum eleemosynas
quae expenduntur in ceram et oleum et ornatum altaris et missarum celebrationem,
ex ipsius scholae devotione. Computa non fiunt ad praescriptum.
Fuit visitata a visitatoribus reverendissimi ordinarii et vicario foraneo.
Oratorium Sancti Iohannis inhaeret ecclesiae parochiali, est penitus
destitutum et reparatione ac valvis indiget.
[f. 226v] Oratorium Sancti Andreae est penitus collapsum quod reparare
non potest. Nullum habet redditum neque beneficium.
Ecclesia Sancti Laurenti angusta et non innovata, sita est extra oppidum
ad iactum lapidis. Est consecrata, quae olim erat congregationis fratrum
Heremitarum Sanctae Mariae de Gonzaga, nunc extinctae per bullam sancti
domini nostri Gregorii papae XIII. Habet altaria duo, in quibus raro
celebratur. Annui redditus sunt scutorum circiter viginti, cum domo
annexa quae laycis locatur. De onere praeciso non constare dicitur. Rector
titularis est don Faustinus de Crema ex dicta congregatione in posterumque
collatio spectabit ad reverendissimum ordinarium.
1
Corretto da reliquiae.
2
Aggiunto in interlinea.
3
Corretto da temporum.
264