san carlo 2 bassa bresciana.qxd - Brixia Sacra

BASSA ORIENTALE
mam collocetur. Vascula oleorum sacrorum ad formam comparentur.
Tabernaculum gestatorium ad usum processionis redigatur ad formam
impensis confraternitatis Corporis Christi. Confratres curam suscipiant,
ut Sanctissimum Sacramentum ea quam decet reverentia asservetur et
sciant praecipuum ipsorum munus esse procurare omnem ornatum Sanctissimi
Sacramenti. Singulis annis rationem administrationis reddant reverendissimo
ordinario, eiusve vicario foraneo. Altare maius reportetur in
fronte capellae maioris, interiecto spatio necessario ex instructionibus
inter parietem et altare, quod pariter ad formam construatur. Chorus transferatur
a parte anteriori et amplietur, et se extendat usque ad altare Corporis
Christi ab utroque latere, et pavimentum capellae elevetur per gradus
tres, quibus figatur clathra ferrea pro capellae clausura.
A fronte ecclesiae duo alia ostia extruantur ad mulierum et hominum
distinctionem. Ostium laterale muro obstruatur ubi construatur suggestum,
sublato quod nunc est. Ostium sacristiae, per quod aditus patet ad
campanile, muro obstruatur. Altare Corporis Christi ex situs ratione
demoliendum esset, et alibi transferendum iudicio ordinarii, ac illud omni
in casu clathra ferrea sepiatur. Altare Beatissimae Mariae Rosarii redigatur
ad formam, ita ut omnino parieti adhaereat, clathraque ferrea sepiatur
impensis societatis.
Commune et homines Canneti praetensi patroni agant ad recuperationem
bonorum, quae detinentur et occupantur in territorio Cremonensi et,
iis recuperatis sine praeiudicio iurium praepositi Rotudischi praetensi titularis,
praesentent sacerdotem instituendum ab ordinario, qui ex erectione
eiusdem capellae in scholastariam [f. 233v] cum assensu reverendissimi
ordinarii et hominum universitatis per illustrissimum visitatorem facta,
etiam ludum litterarium exerceat, ac scholares 40 doceat gratis, qui sint
eiusdem loci, in quorum numerum potissimum ascribantur clerici, qui laicis
omnino praeferantur, et omnes a reverendissimo ordinario probentur,
ac de eius licentia scripto impetrata in praedicto numero recipiantur.
Altare Sancti Firmi ex asseribus constructum tollatur, et construatur in
fronte capellae ex redditibus eiusdem capellae dandis per Valentem Sardum
praetensum patronum, qui singulis annis solvat ducatos quindecim usque
ad summam ducatorum 60 iuxta formam obligationis factae in actis visitationis.
Singulis annis solvat praedictus Valens ducatos quindecim sacerdoti,
qui celebret ad praedictum altare iuxta voluntatem testatoris.
399