san carlo 2 bassa bresciana.qxd - Brixia Sacra

BASSA ORIENTALE
[f. 229r] Altare Sanctae Catharinae, amoto gradu superiori, ad formam
redigatur, et clathra ferrea sepiatur impensis patronorum, quorum item
cura sit ornare dictum altare cruce, candelabris et paramentis intra sex
menses, quibus elapsis tollatur, nisi omnibus iis rebus satisfactum fuerit.
Ostium laterale meridiem versus muro obstruatur, alterum vero sit ad
usum tantum coemiterii, nec per illud fiat ingressus. Coemiterium muro
cingatur impensis communitatis. Campanile reparetur impensis eiusdem
communitatis. In sacristia provideatur de infrascriptis, videlicet purificatoriis
quindecim ad formam infra mensem, corporalibus quatuor, cum suis
sacculis et velis varii coloris pro varietate temporis, pulvinaribus duobus
tot singulis, pelvicula. Lavatorium reparetur. Altaria lateralia nisi infra sex
menses ad formam redacta, clathraque ferrea septa fuerint, poenitus tollantur,
ita ut post eum terminum elapsum in illa ecclesia celebrari non possit,
donec ordinatio debitae exequutioni demandata fuerit.
Presbiter Hippolitus de Datis infra quindecim dies ostendat legitime
reverendissimo ordinario episcopo quo titulo teneat et possideat quasdam
possessiones, et bona nuncupata Sanctae Mariae alle Chiusure et alle Brede,
quae sunt in agro Asulano et spectant, ut dicitur, ad ecclesiam Sancti Erasmi,
quorum altera nunc detinetur titulo locationis a Hieronimo Pomponio,
altera vero a Virgilio Lama, quo termino elapso, si nihil legitime ostensum
fuerit, restituat poenitus libere dictas possessiones et bona, omnes
item fructus male perceptos.
In ecclesia Sanctorum Sebastiani, et Rochi
Altare consolidetur, et ad formam redigatur. [f. 229v] Habeat crucem, candelabra,
et aliam suppellectilem necessariam. Capella clathra ferrea claudatur
impensis communitatis. Arca, quae appensa est parieti in ingressu
ecclesiae septentrionem versus, tollatur infra tres dies, alioquin in dicta
ecclesia non celebretur. Fiat labrum aquae benedictae in ingressu ecclesiae
locandum ad praescriptum instructionum.
In ecclesia Sancti Marci de Asula
Altare ad formam reducatur, in eoque petra sacrata ad formam inseratur.
Capella clathris ferreis claudatur. Fiat fons aquae benedictae decens, et
locetur in ingressu ecclesiae ad formam. Fiat hicona decens, sed imagines
pingendae prius a reverendissimo ordinario probentur. Titularis perpetuo
349