san carlo 2 bassa bresciana.qxd - Brixia Sacra

BASSA CENTRALE
Ostiano, Santi Michele e Gaudenzio
[a. Acta visitationis, ff. 196v-198v;
Brescia, XXXI, quinterno non numerato tra q. 43 e q. 13 (sic), 5 facciate]
[b. Decreta particularia, XXVII, ff. 160v-163r;
Brescia, XXVII, ff. 92r-95r]
[a. CHIESA PARROCCHIALE DEI SANTI MICHELE E GAUDENZIO
DI OSTIANO]
[f. 196v] Die sabbati decimo nono praedicti mensis et anni
Visitavit ecclesiam parochialem Sanctorum Michaelis et Gaudentii archipresbiteratum
nuncupatam loci de Ostiano Brixiensis diocesis et deinceps intra
eius fines infrascriptas ecclesias, cappellas, oratoria, scholas et loca pia; quae
ecclesia est consecrata et incapax populi et cappella vero altaris maioris parva.
In ea Sanctissimum Sacramentum assidue custoditur in tabernaculo
super altari maiori ante quod lampas ardet impensis rectoris. Reliquiae nonnullae
adsunt, inter quas est brachium Sancti Gaudentii in brachio argenteo
inclusum, cuius corpus requiescere dicitur in ecclesia campestri Sancti
Alexandri alias archipresbiterali huius loci ut ex attestatione exhibita in actis
visitationis. Baptisterium adest praeter formam nec loco congruo situm.
Altaria quinque adsunt videlicet altare maius, altare Sancti Ioseph dotatum
a quondam Bartholino Monda annuo redditu aureorum duorum cum
onere missae [f. 197r] unius in hebdomada. Titularis est rector huius ecclesiae.
Altare Sancti Gaudentii dotatum a quondam don Ludovico de Zuinis
annuo redditu cum onere missarum duarum in hebdomada. Vacat altare
Corporis Domini cum schola, in quo quottidie celebratur ex devotione
scholae eiusdem. Cappellanus mercenarius est praesbiter Christoforus
Spalentia brixiensis, aetatis annorum 40, legitime docuit de ordinibus,
docet pueros, maledicus processatus de concubinatu ut in filo processuum
criminalium. Altaria reliqua indotata sunt. Legatum dicitur factum per
quondam reverendum dominum Galeazium de Pernotiis construi faciendi
altare in hac ecclesia in quo missa una in hebdomada celebretur, pro quo
onere obligavit eius heredem et ut latius constare dicitur testamento rogato
per dominum Iacobum Mandolam de anno 1529, cui aduc non est sati-
147