san carlo 2 bassa bresciana.qxd - Brixia Sacra

BASSA CENTRALE
Oratorium campestre Sancti Rochi rotundum et pulchrum, altaria tria
habet. Onus est missarum duarum in hebdomada, ad quod tenetur magnificus
dominus Hector Brunellus, ex relicto quondam domini Homeri de
Vergoris. Capellanus mercenarius est praesbiter Baptista Mosconus
brixiensis, aetatis annorum 45, est capellanus item mercenarius ad altare
Sanctae Mariae della Stella, legitime docuit de ordinibus 10 neque etiam gramaticaliter
intelligit et ignorat ceremonias missae, cui solvuntur ducati
decem per proefatum magnificum Hectorem. Domus est annexa oratorio 11
pro habitatione capellani. Praefatus magnificus dominus Hector promissit
praedictum oratorium a parte anteriori ampliare ita ut in eo ex forma [f.
169r] instructionum celebrari possit.
Oratorium Sanctae Mariae della Stella campestre, pulchrum. Altare
solum habet cum incona pulchra 12 ; onus habet missae quottidianae ad quod
tenetur schola Disciplinatorum. Capellanus mercenarius est praefatus praesbiter
Baptista Mosconus cum assignatione plodiorum septem terrae quae
sunt huius oratorii et eleemosinarum quae in eo fiunt; qui cappellanus quinquies
tantum celebrat in hebdomoda. Sepulchrum est domini nostri Iesu
Christi in capite atrii extra ecclesiam; sacristia 13 adest post altare maius;
domus est oratorio 14 annexa cum viridario in qua habitat dictus cappellanus.
Oratorium Sanctae Mariae de Ignacio campestre distans a parochiali per
miliaria duo. Altare habet cum onere missae singulis festis, ad quod tenetur
dominus Michael Vivianus, ex relicto quondam dicti Clementis Viviani
eius fratris rogato per dominum Appolonium de Bucelleris die 22 augusti
1562, cui onere integre non satisfit, licet praefatus dominus Michael pro
dicto onere relaxaverit plodia quinque agri perpetuo dicto oratorio, item
alia plodia quinque quoad 15 vixerit tantum concessit capellano ibidem celebranti.
Redditus annui sunt ducatorum decem 16 . Domus parva est pro oratorio
17 annexa pro habitatione capellani.
Oratorium Sancti Pauli altare habet, in quo adest legatum missarum
duarum in hebdomoda, ad quod tenetur dominus Baptista Pedroca qui iam
annis XII non satisfacit, paramenta non nulla habet, quae sunt penes dictum
Pedrocam.
Oratorium Sanctissimae Trinitatis altare habet inornatum, redditus nullos
habet, agrum 18 est annexum ac domus 19 quae possidentur a domino
9