san carlo 2 bassa bresciana.qxd - Brixia Sacra

BRIXIA SACRA
Schola Sanctissimi Sacramenti antiquitus instituta et erecta ut dicitur. Non
habet regulas approbatas. Regitur a massario et duobus sindicis, qui tamen
non mutantur ad praescriptum.
Habet redditus annuos ducatorum 4 ex quibus celebrare faciunt missam
conventualem singulo mense in prima dominica et duodecim officia mortuorum
quotannis ex ipsius scholae instituto. Administrationum rationes singulis
annis praesente parocho reduntur. Fuit visitata a reverendissimo episcopo
Bollano ordinario et eius visitatoribus.
Ecclesia Sanctae Mariae Annunciationis Campibonelli sita in territorio
Marianae, est angusta, et inornata et est simplex ut dicitur. Non est consecrata.
Habet unicum altare in quo non celebratur. Habet redditus annuos
scutorum triginta. Titularis penultimus erat presbiter Alexius de Sessia loci
Marianae et, ut ipse asserit, de anno *** renonciavit in manibus cuiusdam
sacerdotis Mantuani ad favorem domini Camilli Capilupi mantuani, cui
renuntiationi intercessit promissio quod dum ipse praesbiter Alexius viveret
possessionem vel fructus dicti beneficii possideret, loco cuius promissionis
habuit singulo anno scuta 25, bona vero beneficii possidentur nomine
praedicti Capilupi. Predictus titularis habitat in aedibus propriorum
filiorum, cui factum fuit praeceptum ut eas omnino relinquat.
Oratorium Sancti Rochi est coeptum sed non perfectum ex voto hominum
communitatis Asulae, in oppido Marianae commorantium. Non
habet aliquam dotem.
Oratorium Sanctorum Faustini et Iovitae est dirutum, sine aliqua dote
existit nec pro restauratione agitur.
Ecclesia seu oratorium Sanctae Sabinae seu Sanctae
Mariae Disciplinatorum
Situm est in arce Marianae, habet aliud oratorium superius quo confratres
Disciplinatorum conveniunt ad orandum. In eo sunt quaedam reliquiae
sacrae, videlicet manus integra Sanctae Sabinae et aliae quaedam decenter
et tuto asservate. Habet unicum altare, in quo bis ce- [f. 248v] lebratur in
hebdomada ex devotione confraternitatis. Nullam habet dotem. In predicta
ecclesia seu oratorio est confraternitas.
386