san carlo 2 bassa bresciana.qxd - Brixia Sacra

BASSA CENTRALE
[b.] [152v] In ecclesia parochiali Sancti Petri loci de Gambara
Fiat infra mensem sumptu praepositi, pixis argentea ad formam, in qua
Sanctissimum Sacramentum conservatur, et non [f. 153r] in pede tabernaculi
pro processionibus. Alia minor fiat pro populi comunione infra tres
menses sumptu etiam praepositi. Vasculis oleorum sacrorum cotyla, et sacculus
sericeus ad formam adhibeatur. Altare maius ad formam sepiatur
clathris ferreis infra quatuor menses cuius bradella ad formam reducatur.
Stadia fiant ad formam pro horis canonicis in choro celebrandis. Cappellae
maioris fornix incrustetur ne dilabatur. Altare Sancti Hieronimi a parte
evangelii tollatur infra tres dies. Altaria Sanctae Mariae et Corporis Domini
cancellis sepiantur infra sex menses, et bradellae ad formam reducantur.
Tecto navis maioris lequeata contignatio adhibeatur, fornixque fiat in
navi septemtrionali, haecque infra annum. Pavimentum aptetur. Librum
pro aqua sancta decens fiat. Fiant fenestrae in navi maiori, quibus ecclesia
maius lumen capiat. Arbor supra tectum cappellae existens, quae nimium
damnum affert omnino succidatur, atque eradicetur infra triduum, alioqui
non celebretur in ecclesia. Apponantur clathra cum fossis in ingressibus
caemiterii ne bestiae ingrediantur. Arbores in caemiterio existentes eradicentur.
Provideatur de 1 confessionalibus quinque ad formam [f. 153v]
impensis praepositi infra mensem. Item de corporalibus et purificatoribus
ad formam, ac de omnibus paramentis necessariis ad formam instructionum
sumptu etiam ipsius praepositi. Communitas et nobiles loci, quibus
onus reparationis et instaurationis huius ecclesiae ex consuetudine spectat,
ac schola Sanctissimi Sacramenti, omni pietate incumbant ad ecclesiam
suam reparandam et ornandam, ut quamprimum huius visitationis decreta
executionem habeant.
Praepositus penes ecclesiam Sancti Petri resideat et propterea domum
sibi comparet, in qua habitet, et tunc baptisterium quod de praesenti est in
ecclesia praepositurali in hanc ecclesiam transferatur in cappella ad formam
instructionum fabricanda expensis communitatis. Domus vero praepositi
penes ecclesiam Sanctae Mariae vendi poterit, et praetium converti in emptionem
praedictam. Praepositus curam animarum etiam per se ipse exerceat
ac omnia sacramenta, praesertim baptismi, extremae unctionis et matrimonii,
per se ipse ministret. Horae omnes canonicae etiam ex onere fundationis
in actis visitationis exhibitae singulis diebus in choro celebrentur.
131