san carlo 2 bassa bresciana.qxd - Brixia Sacra

BRIXIA SACRA
capellaniae quamprimum praesentet coram reverendissimo domino ordinario,
virtute sui iurispatronatus idoneum capellanum cui haec capellania
conferatur, ipseque et dominus Alexander Marescottus restituant plodios
14 terrae huic capellaniae relictae a fundatore ea lege, ut capellanus ipse ex
fructibus percipiendis oneri missae satisfacere valeat.
Canonici omnes ratione canonicatus missae sacrificium celebrent quinquies
saltem in hebdomada, connumeratis in illis quinque diebus etiam
festis, liceat vero vacare reliquis duobus diebus in hebdomada modo festi
non sint, ab ipsa celebratione, aut in ecclesia, aut extra suscipere onus missae
celebrandae, si vero praeter has duas missas maius onus susceperint,
restituant omnino scholaribus Corporis Christi duplum eleemosinae,
quam earum nomine receperint, idemque poenitus servetur ratione ac
nomine canonicatus erecti ex legato quondam praedicti Antonii de Salis,
qui nunc possidetur a presbitero Petro de Manginis. Canonicatus vero, qui
nunc est presbiteri Ioseph de Federicis [f. 217r] ob tenuitatem magnam
redditus, tribus tantum diebus in hebdomada etiam dominicis et festis
celebrare teneatur, quatuor vero diebus ferialibus in hebdomada suscipere
onera missae celebrandae possit.
Altaria in hac archipresbiterali ecclesia in posterum non extruantur, nisi
in capellis extructis ad formam per illustrissimum visitatorem supra praescriptam.
Ostium campanilis ecclesiam versus muro claudatur, ita ut nullus
sit aditus per campanile ad ecclesiam, cum alterum ostium foris habeat.
Portae laterales in capite brachiorum crucis ecclesiae muro obstruantur a
populo infra quatuor dies, aperiantur vero successu temporis fenestrae
duae in eodem pariete, et claudatur quae nunc in medio est et super altare
construendum in parte meridionali. Portae duae fiant a populo in capite
navium lateralium in facie ecclesiae, videlicet una pro qualibet navi, idque
intra mensem. Confessionalia singula fiant a singulis suo sumptu, quibus
munus est curam animarum exercendi, vel in ea coadiuvandi, et constituantur
a lateribus ecclesiae extra capellae maioris ambitum loco aperto,
patentique partim a meridionali et partim a septentrionali ad formam
instructionum.
Omnes sepulturae, praeter illas quae ob vicinitatem cum altaribus ad
praescriptum concilii provincialis tollendae sunt, ad formam accommodentur
et earum os cooperiatur ne malus odor inde proveniat, idque
impensis patronorum infra tres menses, aliter in eis nemo in posterum
334