san carlo 2 bassa bresciana.qxd - Brixia Sacra

BRIXIA SACRA
muniantur, duae item aliae fenestrae aperiantur a latere septentrionali, quae
aliis respondeant. Tollatur poenitus depositum elevatum sub sugestu
impensis haeredum infra duos dies, quo termino elapso, nisi hanc ordinationem
exequantur, non celebretur in dicta ecclesia sub poena suspensionis
ipso facto per celebrantem incurrenda. In sacristia oratorium et lavatorium
orientem versus, ac armarium pro paramentis asservandis ad praescriptum
construantur. Fiant tres planetae cum reliquis paramentis accessoriis, triplici
colore, videlicet una albi, alia viridis et alia violacei coloris. Fiant item
purificatoria 30 ad formam infra mensem.
In ecclesia Disciplinatorum
Aperiatur fenestra e regione altaris, ut lumen maius a parte meridionali percipiat.
Cubiculum, seu oratorium superius in posterum ad usum praedicatoris
vel alterius cuiusque minime concedatur, sed tantum pro oratorio inserviat.
Scholares Disciplinati regulas ad usum totius provinciae Mediolani editas
comparent, illasque servent. Ne ab eis deinceps commessationes fiant. Officiales
singulis annis rationem administrationis deputatis et curato reddant.
[f. 203r] Pro confraternitate Corporis Christi
In posterum confratres frequentius, ut par est, communicent. Satisfaciant
oneri unius missae quotidianae, quod habent vi legati relicti a quondam Antonio
Bergamo. Officiales singulis annis praeficiantur, et a reverendissimo ordinario
comprobentur; in fine vero administrationis rationem, praesente curato
et ordinario, seu alio qui ab eo facultatem ea de re habeat, reddant. Provideant
de rebus necessariis tam ad celebrationem, quam ad altaris ornatum.
In ecclesia Sancti Blasii olim parochiali
Altare maius ad formam redigatur, sepiaturque saltem cancellis ligneis.
Altaria lateralia tollantur. Ecclesiae parietes interiores dealbentur. Valvae
item sera et clave retineantur clausae. Murus coemiterii perficiatur ne aditus
pateat brutis, et valvae ostio aperto adhibeantur, quae clausae teneantur
impensis communitatis.
Pro Monte pietatis
Sindici et massarii Montis pietatis agant contra legatarios et debitores, quibus
reverendissimus episcopus praescribat etiam ex officio aliquem brevem
286