san carlo 2 bassa bresciana.qxd - Brixia Sacra

BASSA CENTRALE
In ecclesia Sanctae Mariae Magdalenae fratrum
Sancti Hieronimi de Flexo
Altare maius cancellis sepiatur. Mensa tabulea fiat, in qua lapis consacratis
inseratur. Fenestrae laterales altaris maioris altius fiant, et vitreis muniantur.
Altaria lateralia tollantur infra triduum et onus missarum duarum
Sancti Ioseph ad altare maius transferatur. Parietes ecclesiae incrustentur,
et dealbentur. Crucifixus sub arcu ponatur. Provideatur de vase aquae sanctae
decenti quod intus portam maiorem reponatur. Provideatur de corporalibus
quatuor ad formam et purificatoribus duodecim. Item de paramentis
pro missa necessariis ad praescriptum instructionum.
Exhibeantur quamprimum reverendissimo ordinario legata petiarum [f.
158r] trium terrae, quae sunt plodia quatuordecim cum dimidio ex testamentis
quondam domini Iohannis et domini Bernardini de Laude relictorum
huic ecclesiae, ut tamen possiderentur per eorum haeredes ad effectum
ex redditibus tum celebrari faciendi certas missas singulis annis, tum reliquum
implicandi quotannis 2 in augumentum, tum dotis cappellaniae pro
missa quottidiana in hac ecclesia celebranda et prout latius in eo legato legitur.
Idemque reverendissimus ordinarius summarie ex officio aucthoritate
huius decreti procedat contra dominum Baptistam de Laude successorem
praedictorum testatorum ac possessorem dictorum bonorum, ut ea bona
relaxet ac fructus hactenus perceptos restituat, ut implicentur pro integra
dictorum legatorum executione. Fratres monasterii Sancti Hieronimi del
Flexo, quibus asseritur fuisse concessam hanc ecclesiam a nonnullis laicis de
Lode, nisi termino mensis legitime doceant quo iure eam possideant, eam
omnino relaxent et ad eorum monasterium fratres redeant in eoque amplius
non celebrent, nisi prius facultate ab ordinario scripto obtenta.
In oratorio campestre Sancti Iacobi
Altare cancellis sepiatur. Fenestrae laterales altari muro obturentur infra
octo dies, et interim in eo non celebretur.
1
Corretto su suppellectili.
2
Corretto su quottannis.
139