san carlo 2 bassa bresciana.qxd - Brixia Sacra

BRIXIA SACRA
qui si assistere recusaverint seu ab ecclesia absentes fuerint poenam in conciliis
provincialibus praescriptam subeant, et illis absentibus vel impeditis
succedant ordine alii canonici inferiores aliis, idque munus praestent; possit
tamen archipresbiter aliquando ob exiguum canonicorum numerum in
diaconatus et subdiaconatus functionibus uti opera et ministerio capellanorum
titularium eiusdem ecclesiae.
Constituatur ex canonicis per hebdomadam, aliove certo tempore in
orbem magister chori, qui pondus officii regendi sustineat, aliaque munera
praestet ex praescripto concilii provincialis. Sit etiam punctator qui curet,
et alia in officio subeundo praestabit, quae concilio provinciali primo et
quarto hoc in genere sancita sunt. Constituatur item thesaurarius unus ex
canonicis per annum, qui distributiones quotidianas unicuique pro rata
portione laboris et officii distribuet ex decretis provincialibus. Constituatur
unus ex canonicis magister caeremoniarum, qui in divinis officiis tanquam
magister sit, et ea omnia praestet quae a concilio provinciali primo
praescripta sunt. Campanae pulsentur ad mandatum reverendi archipresbiteri
pro divinis officiis in ecclesia celebrandis. [f. 220r] Fiat tabella quando
et quomodo ad divina officia conveniendum sit in choro versandum, ab eo
recedendum ad praescriptum concilii provincialis primi et quarti, quae
appensa sit in sacristia. Canonici, cum ex obligatione canonicatus missam
parvam celebrant, praesentes in choro censeantur, si quando tempore divinorum
celebrant ex praescripto tabellae archipresbiteri cura conficiendae
aut alias eius iussu, aliter vero careant distributione illius officii a quo
absunt. Archipresbiter item et canonici in confessionibus, aut in alio curae
munere occupati, praesentes in choro censeantur.
Cum in ecclesia hac insigni praebenda aut stipendium interpreti theologiae
adhuc re ipsa assignatum non sit, reverendissimi ordinarii, aut eiusdem
ecclesiae archipresbiteri, et capituli assensu iam praestito, accedente etiam
assensu sanctae Sedis apostolicae quantum opus praedictus illustrissimus
visitator praebendam canonicatus nuncupatam Sancti Eusebii sine praeiudicio
presbiteri Iohannis Antonii Marchae ultimi possessoris ad praescriptum
concilii Tridentini in theologalem erexit, et erigit, cum praesertim accesserit
consensus ipsius presbiteri Iohannis Antonii in actis visitationis praestitus,
mandavitque ut dum effectum non habet haec erectio, interim fructus qui
percipiuntur ex praebenda canonicatus derelicti a presbitero Liberali absente,
donec theologalis vacaverit assignentur alicui theologo regulari idoneo
338