san carlo 2 bassa bresciana.qxd - Brixia Sacra

BASSA CENTRALE
Poncarale, Santi Gervasio e Protasio
[a. Acta visitationis, ff. 169v-170r;
Brescia, XL, ff. 354r-v]
[b. Decreta particularia, ff. 119r-120r;
Brescia, XXVII, ff. 10, 59r-60v]
[a. CHIESA PARROCCHIALE DEI SANTI GERVASIO E PROTASIO]
[f. 169v] Die sabbati quinta mensis martii praedicti anni
Visitavit et caetera ecclesiam parochialem Sanctorum Gervasii et Prothasii
loci Poncaralli unitam mensae comuni Brixiae et intra eius affines scholam
et oratorium infrascriptum. Est consecrata. In ea Sanctissimum Sacramentum
assiduo custoditur in altari maiori, cui lampas praelucet expensis praefatae
mensae comunis. Baptisterium non est ad formam. Altaria tria adsunt
videlicet altare maius et reliqua indotata. Sacristia est parva. Cimiterium est
a parte meridionali sepe circundatum. Domus parochialis est ecclesiae 1
annexa cum viridario, sed fere inhabitabilis. Redditus annui huius ecclesiae,
ut dicuntur, sunt librarum mile ducentum, quae precipuae a mensa comuni
praedicta. Curatus mercenarius est praesbiter Iacobus de Molinariis de
Rezate brixiensis, aetatis annorum 38, cum mercede ducatorum quadraginta
in anno qui solvuntur a mensa comuni, legitime docuit de ordinibus.
Habitat in domibus dictae mensae, clericum non habet; aliquando curati
non manutenentur et animae patiuntur. Animae huius loci sunt 210, ex
quibus sanctissimam Eucharistiam sumunt 125.
Schola Doctrine christianae non exercetur. Scola Sanctissimi Sacramenti
est antiqua, de cuius erectione non constat. Habet regulam [f. 170r] antiquam
non confirmatam, scolares sunt numero 60 vel circa. Regitur a massario
et duobus sindicibus qui non mutantur. Redditus nullos habet praeter
eleemosinas quae in cereos et in ornatum ecclesiae expenduntur. Schola
Rosarii alias erat, sed nunc destituta videtur.
Oratorium Sancti Bernardi campestre, est parvum, altare incongruum
habet. Redditus nullos. In eo non celebratur.
1
Aggiunta interlineare.
17