san carlo 2 bassa bresciana.qxd - Brixia Sacra

BRIXIA SACRA
infra annum. Communitas et nobiles loci, atque schola Sanctissimi Sacramenti
omni pietate incumbant reparationi et ornatui ecclesiae suae parochiali
in omnibus suprascriptis. Parochus autem, praeter omnem impensam
populi, ac scholae Sanctissimi Sacramenti pro executione ordinationum
huius visitationis, hoc anno impendat ipse triginta aureos, tum deinde totidem
singulis annis, usque ad plenam illarum executionem fiantque hanc ob
causam sequestra et relaxa quotannis 1 etiam a vicario foraneo. Clericum
item habeat idoneum, qui in habitu et tonsura semper incedat, et in ecclesia
inserviat. Scholares Sanctissimi Sacramenti regulam ad usum communem
provinciae Mediolanensis edendam habere procurent et servent.
In oratorio Sancti Rochi Disciplinatorum
Altare ad formam reducatur, pariter et bradella. Gradus cappellae fiat,
super quo cancelli lignei constituantur. Oratorium dealbetur, haecque infra
tres menses. Scala, per quam ascenditur in suggestum scholarium versus
ianuam maiorem, fiat in angulo ut oratorium minus impediat. Scholares ne
commessationes in die iovis sancti aliis neque diebus faciant, cum eleemosinae
sint nimis tenues. Computa 2 rectius teneantur, curentque omnia sollecitudine
scholam ipsam augere.
[f. 143v] In oratorio Sancti Michaelis
Oratorium Sancti Michaelis cum sit valde indecens et vetustum, magnaque
reparatione ac ornatu indigeat, erecta ibi cruce demoliri mandatur, cuius
materia in usum parochialis convertatur.
In oratorio Sanctorum Cosmae et Damiani
Oratorium Sanctorum Cosmae et Damiani vetustum destruatur, erecta ibi
cruce. Lapides 3 oratorii et domus annexae collapsae, in fabricam sacristiae
parochialis ecclesiae converta[n]tur.
In oratorio Sanctae Mariae de Muradega
Oratorium hoc tollatur, erecta ibi cruce, in usumque parochialis convertatur.
1
Corretto su quottannis.
2
retr cancellato.
3
Segue domus annexae cancellato.
98