san carlo 2 bassa bresciana.qxd - Brixia Sacra

BASSA ORIENTALE
Ne in posterum cadavera humentur extra ecclesiam parochialem in aliis
ecclesiis, nisi quibus iure permissum est, sed omnia humentur in ecclesia ipsa
praepositurali sita in castro, eiusve coemiterio. Si quis vero quovis praetextu
prohibire, seu quovis modo per se, [f. 198v] vel alios directe vel indirecte
impedire, quominus libere ad praedictam ecclesiam deferri, vel ibi humari
valeant, si communitas erit poena interdicti afficiatur, si vero homines particulares
cuiusvis dignitatis, auctoritatis et potestatis sint, ipso facto subeant
poenam excomunicationis, et alias poenas et censuras a sacris canonibus et
institutionibus summorum pontificum pro immunitate et libertate ecclesiae
constituta. Nundinae, mercatusve ne festis diebus fiant sub poenis, quae
continentur in bulla Pii quinti et decretis provincialibus, ac praeterea cessandi
a divinis in ecclesia archipresbiterali et claudendi eius portas; quam poenam
statim exequatur archipresbiter donec cessetur a mercatu vel nundinis.
Praepositus manuteneat clericum ex fructibus beneficii, qui idoneus sit,
et semper in habitu, et tonsura incedat, pro cuius alimentis concurrat
capellanus, qui eligatur a communitate ex testamento quondam presbiteri
Bartholomei de Cuffinis 2 idemque capellanus provideat sibi de cura et
hostiis et aliis rebus necessariis pro altaris ornatu et sacrificii usu. Cum
matrimonia in maximum animarum praeiuditium sacrorum canonum, conciliorum
tam Tridentini, quam provincialis contemptu directe vel indirecte
saepius contrahantur, in posterum praepositus, ipsiusve nomine alii sacerdotes
illa non celebrent, nec minus denuntient, nisi prius re communicata
cum reverendissimo ordinario, qui contrahentium libera perspecta voluntate
facultatem scripto concedat, ac contra quoscunque cuiusvis dignitatis
et potestatis violantes libertatem matrimonii ad praescriptum concilii Tridentini
et canonum severe procedat; hoc autem decretum tamdiu locum
habeat, quousque reverendissimi episcopi pro tempore iudicio abusus ex
hoc loco sublatus erit frequentissime violandae sancti matrimonii libertatis,
aut eidem [f. 199r] abusa alia ratione provideri posse censuerit.
Cum huius ecclesiae Sancti Erasmi rectorem ex redditu illius annuo,
quem percepit deducto onere pensionis impositae non satis habere compertum
sit unde et suam vitam sustentet, et ecclesiam reparare ac suppellectilibus
instruere ac alia ad cultum divinum et ad parochialia munera
praestanda providere possit, auctoritate apostolica specialiter etiam delegata
decernitur quod dominus Iohannes Baptista Roma, cui super redditibus
eiusdem ecclesiae reservata esse dicitur pensio scutorum quinquaginta, ea
253