san carlo 2 bassa bresciana.qxd - Brixia Sacra

BASSA ORIENTALE
Quia haec ecclesia parochialis medio milliario distat a terra Mosii et
propter pluvias, quae aliquando inundant, et loci difficultatem saepius diebus
festis homines, et praesertim mulieres, missam non audiunt, et non
sine maximo periculo Sanctissimum Sacramentum [f. 247r] ad aegros
defertur, homines et commune, prout iam decreverunt et reverendissimus
episcopus cremonensis cum fratre eam ob caussam pollicitus est certum
situm, aliam ecclesiam construant intra fines terrae, seu aedium privatarum,
quae sit ad praescriptum instructionum iudicio reverendissimi ordinarii
et architecti, et ecclesia in qua nunc cura exercetur constructa tamen
capella maiori ecclesiae novae pro asservando Sanctissimo Sacramento, tollatur,
eiusque materia convertatur ad usum tantum praedictae ecclesiae, cui
adhaereant etiam aedes parochiales construendae, impensis pariter communitatis.
Parochus vere ex redditibus pro dictis aedibus et ecclesia concurrat
pro parte sua arbitrio reverendissmi ordinarii.
Coemiterium sepiatur ad formam impensis communitatis. Provideatur
de infrascripta suppellectili pro sacristia, videlicet planetis duabus rubri et
albi coloris pro diebus festis, de calice uno decenti, purificatoriis 20 ad formam,
sacculis quatuor pro corporalibus et totidem velis varii coloris pro
varietate temporis.
Pro confraternitate Corporis Christi Mosii
Societati Corporis Christi assignatur et conceditur altare maius sine
praeiudicio iurium parochialium, ad quod altare satisfaciant omnibus oneribus.
Societatis munus erit altare ornatum tenere atque ante illud, cumprimum
poterit, aliam lampadem accensam, praeter eam quam tenet parochus.
Officiales eligantur singulis annis, et rationem administrationis
deputatis praesente vicario foraneo reddant.
369