san carlo 2 bassa bresciana.qxd - Brixia Sacra

BRIXIA SACRA
datur signum etiam primae missae, ut populus intelligat eam esse postreman
missam, quae eo die celebrabitur; videat vero archipresbiter ne ullo quovis
praetextu etiam magistratuum caussa ulla missa celebretur tardius quam per
sacros canones liceat, neve in altari sacerdos in mora sit alicuius gratia,
aliudve indignum suo munere agat contra praescriptum conciliorum provincialium.
Fiat liber infra decem dies de sacerdotibus celebrantibus, in quo
sacerdotes manu propria subscribant quotiescunque in dicta ecclesia missae
sacrum celebraverint ad praescriptum concilii provincialis quarti.
Constituatur sacrista saltem unus ex capellanis titularibus cum assignatione
congruae portionis sumptu sacristiae, seu capituli, qui sacra vasa et
vestimenta ecclesiastica, totamque suppellectilem ecclesiae diligenter
custodiat, ei de habitatione provideat archipraesbiter in domo sua, quae
ampla est, donec alia aedificetur, ut apud ecclesiam omnino habitet. Eiusdem
curae sit omnia munia et officia praestare, quae de sacristia in conciliis
[f. 218v] provincialibus praescripta sunt. Omnes sint tabellae in sacristia,
una in qua omnes missae et officia pro mortuis, et reliqua descripta
sint, quae ex imposito onere, ac munere quacunque de caussa in ea ecclesia
celebranda erunt; altera in qua archipresbiteratus, canonicatuum praebendae
capellae altaris, seu alterius beneficii, et officii eius ecclesiae in missis et
aliis divinis officiis obeundis debita munera contineantur. In tertia tempus
et hora celebrationis uniuscuiusque sacerdotis describatur, quae tabella ab
archipresbitero et capitulo constituatur. Aliae etiam tabellae ad praescriptum
eorundem conciliorum.
Loca quibus utitur archipresbiter pro asservando frumento, triticove in
posterum sint tantum ad usum unius ex canonicis, qui in animarum curatione
ipsi archipresbitero coadiutor est, facta tamen compensatione archiprebendae
ex bonis canonicatus eiusdem canonici iudicio amicorum communium.
Locus vero, in quo ligna retinentur ad usum alterius canonici
coadiutoris in animarum curatione, esse poterit cum compensatione ut
supra. Ostium aedium canonicalium, ad quod est aditus per coemiterium,
muro claudatur. Ostium vero canonicatus presbiteri Falchini a parte coemiterii
muro claudatur et aperiatur aliud ostium in canonica infra quindecim
dies. Organo tantum in ecclesia locus sit, tibiae, cornua et reliqua
instrumenta musica ad praescriptum concilii provincialis primi in posterum
excludantur, sub poena iis qui adhibuerint interdicti ab ingressu ecclesiae,
et decem aureorum archipraesbitero canonicisve qui permiserint.
336