san carlo 2 bassa bresciana.qxd - Brixia Sacra

BRIXIA SACRA
librarum septuaginta, quae solvuntur a dicto consortio ex concessione
etiam reverendissimi Ordinarii. Altare Sancti Nicolai cum onere missae
quottidianae ad quod tenetur dominus Bernardinus Bottus ex relicto quondam
presbiteri Sancti de Prottis rogato per dominum Alfonsum de l’Aquila
notarium [f. 167v] brixiensem die tertia septembris 1572, qui dominus Bernardinus
ab anno 2 citra non satisfacit. Altare aliud indotatum.
Cimiterium non septum, valatum tamen quibusdam foveis in cuius parte
fit viridarium vitibus et arboribus consitum. Sacristia non satis decens et
loco incongruo sita. Domus parochialis est ecclesiae 3 annexa, que reparatione
eget. Redditus huius ecclesiae sunt scutorum ducentum vel circa, qui
dicuntur reservati reverendo domino Ioanni Legamo abbati Sancti Bassiani
civitatis Laudae alias titulari, cum onere solvendi scuta quinquaginta rectori.
Archipresbiter titularis est presbiter Dominicus de Vesponis, brixiensis
aetatis annorum 64, qui legitime docuit de titulo et de ordinibus, ludimagister.
Habitat in domibus ecclesie, coadiutorem habet in cura animarum
cum mercede scutorum 25 et medietatis extraordinariorum et onere
celebrandi quotidie, presbiterum Aloysium de Galvanis brixiensem, qui est
aetatis annorum 28, legitime docuit de ordinibus, idoneus ad curam animarum
exercendam, habitat cum archipresbitero. Nullum habet clericum. In
hac cura est etiam praesbiter Angelus Pilotus brixiensis aetatis annorum
30, nullum habet beneficium, celebrat ex devotione, habitat in domibus
paternis. Animae huius curae in totum sunt numero 2022, ex quibus sanctissimam
sumunt Eucharistiam numero 1406. Populus videtur valde frigidus
circa reparationem et ornatum suae ecclesiae.
Schola Doctrine christianae exercetur. Scola Sanctissimi Sacramenti est
antiqua et habet regulam antiquam non confirmatam, de cuius errectione
non constat, fuit alias per reverendissimum episcopum visitata. In ea
descripti sunt scolares numero 600. Regitur a ministro, thesaurario, duobus
rationatoribus, quatuor consiliariis et tribus servitoribus qui mutantur
ad libitum. Redditus habet librarum 120 cum oneribus supra [f. 168r] praescriptis
ultra eleemosinas que convertuntur in pauperum subventionem 4 et
celebrationem missarum 5 ut supra. Computa quotannis fiunt praesente
rectore; exhibiti fuerunt libri qui bene reguntur.
Oratorium Sancti Rochi contiguum domui parochiali, inornatum cum
unico altare incongruo, sine redditibus existit.
6