san carlo 2 bassa bresciana.qxd - Brixia Sacra

BRIXIA SACRA
saeculares viros, vel foeminas, aliave ratione a reverendissimo episcopo
probatas, quaerant eleemosinas.
Nemini post hac, neque etiam frumenti describendi caussa in clausurae
septa ingredi liceat, verum satis erit ut superior ecclesiasticus, confessario et
aliquo ex praefectis annonae praesentibus a monialibus ex crate iusiurandum
suscipiat. Quod si gravior casus accideret, ut ingressio necessaria reverendissimi
episcopi iudicio sit, tum unus aut duo ex illis ad summum, cum confessario
et duobus aliis ecclesiasticis viris, quos episcopus delegerit, in monasterii
septa, data ab episcopo et superiore monasterii facultate scripta, ingredi
possent. Qui in clausurae septa sine episcopi concessione scriptis exarata
ingredietur, excomunicationis ipso facto poenam subeat. Qui vero ad colloquutionis
cratem accesserit sine eorum licentia, quod si episcopus huic curae
praefecerit, si ecclesiasticus sit excomunicetur, si vero laicus ab ecclesiae
ingressu illi interdicatur. Hoc autem decretum promulget reverendus archipresbiter
tribus proximis festis diebus frequenti populo in ecclesia.
428