san carlo 2 bassa bresciana.qxd - Brixia Sacra

BRIXIA SACRA
omnia et singula, quae pro eiusdem ecclesiae reparatione, suppellectilive 3
mandantur, ex fructibus eiusdem pensionis suppleat erogando hoc anno
1581 scuta viginti, et deinde singulis annis scuta decem donec ea omnia,
quae decretis praescripta sunt praestita fuerint. Quam pecuniarum summam
singulis annis titularis auctoritate huius decreti penes se retineat, ac
cum interventu consensuve sindicorum curatorumve ecclesiae nomine
communitatis deputatorum, si qui sunt, vel praefecti seu thesaurarii scholae
Corporis Christi, illam expendat in praedictorum executione, sub poena
duppli et aliis poenis, etiam suspensionis arbitrio ordinarii.
Pro societate Corporis Christi
Curae erit societati Corporis Christi ob fructuum beneficii tenuitatem
altare maius, in quo locatum est Sanctissimum Sacramentum, ornatum
tenere, ad illudque missa conventualis, quae tertia quoque dominica mensis
ex societatis instituto dicitur, celebretur. Regulas habeat schola praedicta
a reverendissimo episcopo approbatas, quas omni pietate observent. Eligantur
et mutentur quotannis, vel singulis bienniis, officiales ex confratribus
[f. 199v] ut consuetudinis est aliarum piarum scholarum, nec vero qui
ex societate non erunt munus nullum in ea exerceant. Quotannis rationem
reddant reverendissimo episcopo, vel ab eo deputatis.
In ecclesia Sanctae Mariae, et societatis Consortii
Provideatur de mensa portatili consecrata ad mensuram. Bradella ex asseribus
confecta super gradu lapideo apponatur. Clathra ferrea apponatur
super altiori gradu capellae maioris. Campanilis ostium clausum teneatur,
praesertim cum missae sacrum fit. Oratorium et lavatorium in sacristia
fiant. Altare Pietatis infra octo dies tollatur.
Illustrissimi domini Gonzaghae satisfaciant legato missarum ad hoc
altare, ad quod tenentur tam pro praeterito quam in futurum, altari maiori
ad quod dictum legatum transfertur. Satisfaciant item oneri scutorum 400
si quod habent, ut dicitur, ex conventione inita inter illustrissimum eorum
patrem et marchionem Trivultium. Quoniam olim Consortium pauperum
erat sub titulo societatis Misericordiae, quae regulam praescriptam habebat,
et rescripto summis pontificis confirmata erat, omnino sub eodem
titulo societatis dictum consortium a confratribus qui descripti sint deinceps
gubernetur, penitusque administretur; nec vero alius quisquam prae-
254