san carlo 2 bassa bresciana.qxd - Brixia Sacra

BASSA CENTRALE
cum praestatione annua ut supra scutorum centum; est etiam canonicus
dictae ecclesiae. Habitat in domo propria, legitime docuit de titulo ac bene
audit, de licentia tamen curam exercendi non docuit. Canonicatus unusquisque
habet redditus annuos aureorum circiter 50 ex praebenda, ab aliis
distincta quas obtinent infrascripti canonici videlicet: praefatus praesbiter
[f. 204r] Iulius Bovilla vicarius canonicus residens; praesbiter Ioannes
Petrus Marinus brixiensis, aetatis annorum 69 vel circa, canonicus residens,
habitat in domo nepotis sui, legitime docuit de ordinibus et titulo; praesbiter
Dominicus Bianchinus brixiensis, aetatis annorum 74 vel circa, canonicus
residens, habitat in domo paterna, ostendit cartas tantum praesbiteratus
alias dixit amisisse tempore bellorum; praesbiter Hipolitus Spalentia
brixiensis, canonicus absens Venetiis comorans et provisus a praefato illustrissimo
cardinali inservit enim per praesbiterum Hippolitum Picinellum
cappellanum mercenarium in infrascripto oratorio Sanctae Mariae; praesbiter
Dominicus Sala brixiensis, aetatis annorum 37, canonicus residens,
provisus a praefato illustrissimo titulari, legitime docuit de ordinibus non
autem de titulo, habitat in domo paterna; praesbiter Baptista Seniga
brixiensis, aetatis annorum 54, canonicus praesens sed non residens, provisus
a praefato illustrissimo 3 titulari, legitime docuit de ordinibus, non
ostendit cartas sui tituli, habitat in domo illustrissimi comitis Nicolai de
Gambara, cuius etiam servitio incumbit, inservit per praesbiterum Antonium
Boschetum brixiensem, aetatis annorum 49, processatum de concubinatu,
mercimonio turpi et nonnullis aliis erratis ut in processu, legitime
docuit de ordinibus, habitat in domo paterna. Clerici sustinent expensis
illustrissimi domini cardinalis titularis, qui sunt videlicet Octavianus Botonus,
Camillus Ramponus et Franciscus Lanzinus; organistae stipendium
etiam ab illustrissimo praesbitero praestatur 4 .
Nulli sunt redditus praebendales, atamen recitantur in hac ecclesia
horae canonicae, videlicet matutinum, prima, tertia, nona, vesperae et completorium
submissa voce, missaque conventualis quottidie celebratur, diebus
vero festis de praecepto cantatur offitium tertiae, errata et absentiae
non notantur, nullus enim punctator adest aut alius offitialis praefectusve
chori praeter vicarium perpetuum. [f. 204v] Capitulum neque congregationes
hebdomadariae habent, constitutiones quedam adsunt conditae ab illustrissimo
cardinali Gambara praeposito. Animae huius parochiae sunt circiter
5 4000, quorum 2000 sacram sumunt Eucharistiam.
175