san carlo 2 bassa bresciana.qxd - Brixia Sacra

BASSA CENTRALE
Milzanello, San Michele
[a. Acta visitationis, f. 175r;
Brescia, XL, ff. 328r-v]
[b. Decreta particularia, ff. 128v-129r;
Brescia, XXVII, ff. 70v-71v]
[a. CHIESA PARROCCHIALE DI SAN MICHELE DI MILZANELLO]
[f. 175r] Die martis octavo mensis martii suprascripti anni
Visitavit et caetera ecclesiam parochialem Sancti Michaelis loci Milzanelli,
dicitur de iure patronatus familiae de Ugeriis et intra eius fines scholas et
oratoria infrascripta. Est consecrata. Sanctissimum Sacramentum assidue
asservatur in altari maiori coram quo lampas ardet impensis patronorum.
Baptisterium non est ad formam. Altaria tria habet, videlicet altare maius et
alia duo indotata. Sacristia. Cimiterium non est saeptum. Domus parochialis
est annexa ecclesiae. Redditus annui sunt ducati 40 ultra libras 50 quae
curato solvuntur a patronis. Curatus titularis est praesbiter Bartholomeus
de Ferrariis brixiensis, aetatis annorum 33, ordines sine titulo suscepit ex
privilegio ut ipse dicit illustrissimi ducis Mantue, nundum habet facultatem
exercendi curam animarum. Habitat in domibus parochialibus. Nullum
habet clericum. Animae huius curae sunt numero 300 ex quibus 130
sanctissimam eucharistiam sumunt.
Schola Doctrinae christianae non exercetur. Schola Sanctissimi Sacramenti
est antiqua, de errectione non constat, regulam non habet. Scholares
sunt 38. Regitur a massario tantum, qui non mutat ob carentiam peritorum.
Redditus nullos habet, praeterquam eleemosinas quae expenduntur in
cereos et ornatum altaris. Administrationum rationes redduntur praesente
rectore, exhibuerunt libros qui non recto ordine describuntur.
Oratorium campestre Sancti Michaelis apertum, altare habet, redditus
nullos. In eo non celebratur.
49