san carlo 2 bassa bresciana.qxd - Brixia Sacra

BRIXIA SACRA
Visinis, Christoforus filius Petriantonii de Bertonis, Angelus filius Dominici
Gheroldi, Petrus Iacobus cremonensis molendinarius et Iacobus
Antonius eius frater et Camilla Roscheta; concubinarii sunt Ioseph Franzosius
uxoratus cum Camilla de Rampinis quibus mandatum fuit ut a concubinatu
abstineant sub pena aureorum 3 25 et excomunicationis in subsidium.
Schola doctrinae christianae exercetur.
Schola Rosarii adest ad altare Rosarii instituta de anno 1577, habet regulam
a generali praescriptam, in ea scholares descripti
sunt 300. Nullum habet redditum praeter eleemosinas quae in ornatum
eorum altaris convertuntur; offitiales fere nulli et raro mutantur.
Schola Sanctissimi Sacramenti antiqua habet regulas non comprobatas
sed eius errectione non constat; scholares in ea descripti sunt 300, regitur
per sindicos, massarium, canzellarium qui singulis annis mutantur. Redditus
librarum quinquaginta ultra elemosinas cum onere annualium quinque
ex pluribus relictis expenditur in celebrationem missarum, offitiorum et
ornatum altaris. Administrationum rationes redduntur coram curato.
Oratorium Sancti Zenonis campestre, membrum abbatiae Sancti Zenonis
civitatis Veronae, altare habet unus. Annui redditus sunt librarum trium
quae percipiuntur ab abbate. In eo celebrantur die eius festi.
Oratorium Sancti Ioannis antiquum, rude sine redditibus praeter spatium
terrae annexum. In eo celebratur [f. 188v] die eius festi. Nonnulli
homines comunitatis 4 intendunt eam instaurare et scholam Disciplinatorum
in ea instituere.
Ecclesia Sancti Rochi consecrata et decens altaria tria habet. In ea cappellania
est de iure patronatus ut dicitur comunitatis, quae curam habet
fabricae huius ecclesiae cum onere missae quotidianae ad quod tenetur ipsa
fabrica. Redditus fabricae huius ecclesiae dicuntur librarum quinquecentum
vel circa, quae percipiuntur a comunitate ex quibus libras 100 et infrascriptam
habitationem et usufructum plodiorum trium terrae quottanis
cappellano celebranti tribuuntur. Cappellanus titularis est praesbiter Antonius
de Baronibus brixiensis, aetatis annorum 38, legitime docuit de titulo
et ordinibus. Habitat in domo paterna. Sacristia non adest; domus est
annexa ecclesiae cum viridario pro habitatione cappellani. Fabrica haec
106