san carlo 2 bassa bresciana.qxd - Brixia Sacra

BRIXIA SACRA
praesbiter Iacobus de Tomasonibus brixiensis, cui comunitas solvit librarum
centum quindecim in anno, aetatis est annorum 25, legitime docuit de
ordinibus, non habet facultatem celebrandi. Habitat cum eius patre.
Altare Sancti Laurentii dotatum redditu annnuo ducatorum quadraginta
a quondam domino Martino Caprirono cum onere missarum quatuor in
hebdomada et dicitur de iure patronatus familiae de Caprironibus. Cappellanus
titularis est praesbiter de Caprironibus brixiensis, aetatis 1 annorum
42, qui satisfacit, legitime docuit de titulo ac de ordinibus. Habitat in domo
paterna.
Altare Sancti Hieronimi fuit dotatum a quondam magnifico Marsilio de
[f. 183v] Gambara cum onere missae quotidiane et coadiuvandi praepositum
in cura ad quod tenentur heredes cum assignatione redditus salmorum
trium frumenti, plaustri unius vini et librarum centum de planetis omni
anno. Cappellanus nullus adest nec oneri satisfit, heres est tota familia de
Gambaris Pralboini.
Ad altare Corporis Domini celebratur missa quotidiana ex devotione
scholae. Cappellanus mercenarius est praesbiter Franciscus Dovara cremonensis,
aetatis annorum 54 et cum mercede librarum centum viginti. Cappellanus
est item titularis Sanctae Mariae Annuntiatae Carzaghi cremonensis
diocesis, legitime docuit de ordinibus. Habet licentiam ab ordinario
celebrandi. Habitat in castro Pralboini. Altaria reliqua indotata. Cimiterium
est apertum, sacristia imperfecta aduc extat. Domus parochialis
sublata fuit pro fabricatione ecclesiae. Redditus annui praepositurae dicuntur
esse scutorum tercentum quinquaginta cum pensione ducatorum quinquaginta
de camera ad favorem illustrissimi cardinalis de Gambara. Praepositus
est praesbiter Petrus de Balteis brixiensis, aetatis annorum 42 qui
residet, legitime docuit de ordinibus, bullas suae provisionis Romae expeditas
nundum praesentavit ordinario. Habitat in domo paterna et habet in
eius familia sororem et nepotem. Clericum non habet. Animae huius parochiae
sunt circiter 2500, que vero sacram comunionem sumunt 1700.
Ex libro processuum criminalium concubinarii, ut in visitatione inditum
fuit, sunt dominus Barcellus de Barcellis, filius quondam Sanctini cum Ioanna
de loco Marchesi, qui Barcellus sub poena aureorum 100 et excomunicationis
promissit eam omnino a se missam facere et dictae [f. 184r] Ioannae
factum fuit praeceptum ut a dicto Barcello infra unam diem discedat sub
poena fustigationis et exilii ac excomunicationis in subsidium. Dominus
88