san carlo 2 bassa bresciana.qxd - Brixia Sacra

BRIXIA SACRA
quaeritandae eleemosynae ea de [f. 189r] causa exeant, sed per homines bonae
existimationis aut alia probata ratione ex eorumdem summorum pontificum
constitutionibus eleemosynas procurent. Numerus monialium in hoc monasterio,
quemadmodum cum illarum superiore statutum est, iam nunc ad 18
usque praefinitur et ideo moniales ipsae ne puellam ullam in posterum hoc in
monasterio ultra praescriptum numerum induendam admittant, nisi ante professionem
eius nomine assignentur tot bona immobilia, censusve, aut pecunia,
eaque deposita, nec sine licentia superioris recuperanda; unde annuus
census legitime comparetur, qui ad eius vitam sustentandam sufficiat pro
ratione victus eo in monasterio profitentibus praescripta.
Nemini post hac, neque vero describendi frumenti causa, intra septa
monasterii ingredi liceat, sed huius rei gratia satis sit, quod superior ecclesiasticus
adhibitis confessario et aliquo ex praefectis describendae annonae
de illius quantitate iusiurandum exerate a monialibus suscipiat. Quod si
quis gravior casus accideret, aut eo ingrediendum foret, de quo reverendissimi
episcopi iudicium sit, tum illorum unus, ut ad summum duo cum confessario
et duobus aliis viris ecclesiasticis, quos episcopus constituerit,
facultate ab eodem et illarum superiore in scriptis impetrata, ingredi possint.
Qui intra septa clausurae sine reverendissimi episcopi concessione,
eaque scripto exarata ingredi ausus fuerit, excommunicationis poenam
ipso facto subeat. Qui vero ad cratem collocutionis accesserit sine eorum
licentia, quos episcopus eiusmodi curationi praefecerit, si ecclesiasticus
homo sit, excommunicetur, si vero laicus, ingressu ecclesiae interdicatur.
Decretum vero hoc tribus proximis diebus festis a reverendo archipresbitero
in ecclesia promulgetur, cum adest maior populi frequentia.
b.2. [227r] In ecclesia Sanctae Clarae monialium Sancti Francisci
de Asula
Fiat pixis pro asservando Sanctissimo Sacramento, et ad moniales aegrotas
illud deferendo. Tabernaculum gestatorium ad formam redigatur. Ostium
fenestellae Sanctissimi Sacramenti in ecclesia interiori statim muro obstruatur,
donec infrascripti perficiantur. Tabernaculum ligneum decens fiat, et
super altare maius ponatur et in eo Sanctissimum Sacramentum asservetur,
et ita ad formam construatur, ut aliquando moniales illud videre possint.
Reliquiae separatim a Sanctissimo Sacramento in aliquo vase decenti conserventur.
Vasculum olei infirmorum ad formam conflatum ematur, et sepa-
426